Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
చైతూ 'ఒక లైలా కోసం' విడుదల తేదీ ఖరారు
నాగచైతన్య, పూజా హెగ్డే హీరో,హీరోయిన్స్ గా తెరకెక్కుతున్న చిత్రం 'ఒక లైలా కోసం'. విజయ్కుమార్ కొండా దర్శకత్వం వహిస్తున్నారు. నాగార్జున నిర్మాత. ఈ సినిమా అక్టోబర్ 17న విడుదల చేయాలని దర్శక,నిర్మాతలు నిర్ణయించినట్లు సమాచారం. ప్రస్తుతం చిత్రం చిత్రీకరణ ప్రస్తుతం రామోజీ ఫిల్మ్సిటీలో జరుగుతోంది. నాగచైతన్య, పోసాని కృష్ణమురళి, అలీపై వినోద సన్నివేశాలను చిత్రీకరిస్తున్నారు.
నాగ చైతన్య మాట్లాడుతూ... ''లైలా లాంటి పిల్ల ప్రేమ కోసం మజ్ను లాంటి కుర్రాడు చేసిన ప్రయత్నమే ఈ చిత్రం. ఇంటిల్లిపాది చూసి ఆనందించేలా చిత్రాన్ని తెరకెక్కించాం. ఇటీవల విడుదల చేసిన పాటలకు మంచి స్పందన వస్తోంది ''అన్నారు.
దర్శకుడు మాట్లాడుతూ ‘‘రొమాంటిక్ యూత్ఫుల్ ఎంటర్టైనర్ ఇది. కాలేజీ చదువు పూర్తి చేసి కన్ఫ్యూజన్లో ఉండే కార్త్తీక్ పాత్రలో నాగచైతన్య కనిపిస్తాడు. స్వేచ్ఛను ప్రేమించే కార్తీక్ ఓ సందర్భంలో నందనను కలుస్తాడు. ఆమెని ప్రేమిస్తాడు. కానీ ఆమె అతన్ని ఇష్టపడదు. అయినా అనుకోని పరిస్థితుల్లో కార్తీక్ను పెళ్లిచేసుకోవాల్సి వస్తుంది. ఇంతకీ కార్తీక్ ఆమె ప్రేమను గెలుచుకున్నాడా.. లేదా? అనేది ఆసక్తికరం. వైవిధ్యమైన ఇతివృత్తంతో సాగే సినిమా ఇది. మంచి ఎంటర్టైన్మెంట్ ఉంటుంది. చైతూ, పూజా తమ పాత్రలకు న్యాయం చేశారు.''అని తెలిపారు.
నిర్మాత మాట్లాడుతూ... ''ప్రేమకు రీజన్స్ ఉండవు. ఓన్లీ ఎమోషన్స్' అని నమ్మే యువకుడు. ప్రేమంటే ఆమడ దూరం ఉండే అమ్మాయి. తీపి, పులుపు లాంటి వీరి మధ్య విజయ్కుమార్ కొండా శైలిలో తెరకెక్కిన ప్రేమకథ ఇది. నేటి యువత మనసులు, ప్రేమలను తెరపై ఆవిష్కరిస్తున్నాం. '' అంటున్నారు నిర్మాత.
అలీ, సాయాజీ షిండే, రోహిణి, సుమన్, సుధ, చలపతిరావు, ఎం.ఎస్.నారాయణ, అన్నపూర్ణ, శ్రీనివాసరెడ్డి, వెన్నెల కిశోర్, శుభలేఖ సుధాకర్, భరత్రెడ్డి తదితరులు ఇతర పాత్రఽధారులు. ఈ సినిమాకు కెమెరా: ఐ.ఆండ్రూ, సంగీతం: అనూప్ రూబెన్స్, ఎడిటింగ్: ప్రవీణ్పూడి, ఫైట్స్: రామ్లక్ష్మణ్, విజయ్, నిర్మాత: అక్కినేని నాగార్జున, దర్శకత్వం: విజయ్కుమార్ కొండా.