'సర్దార్' ప్రీ రిలీజ్ బిజినెస్: షాకయ్యే ఫిగర్స్, బ్లాక్ బస్టర్ అయితేనే రికవరీ?

By Srikanya

| Updated: Thursday, April 7, 2016, 10:11 [IST]

హైదరాబాద్:సమ్మర్ సంగ్రామం మొదలైంది. ఈ సంగ్రామంలో స్టార్ ఇమేజ్‌తోను, యాక్షన్‌తోను, ఫీల్ లవ్‌తోను, మాస్ హంగామాతోను ఆడియన్స్‌ను ఎంటర్‌టైన్ చేయడానికి పెద్దా, మీడియం రేంజ్ సినిమాలు వరుసపెట్టనున్నాయి.

ఈ నేపధ్యంలో ఎన్నో ఎక్స్‌పెక్టేషన్స్‌తో రూపుదిద్దుకుంటున్న సర్దార్ గబ్బర్‌సింగ్ సైతం సమ్మర్ వినోదాత్మక సినిమాగా రాబోతోంది. షూటింగ్ దశనుండే అభిమానుల్లో క్యూరియాసిటీ పెంచిన పవన్‌కల్యాణ్, ఈ సినిమాతో నిన్న మొన్నటి సినిమాలకంటే తన రేంజ్‌ని మరో మెట్టుపైకి తీసుకెళ్తాడని అంటున్నారు.

భారీ బడ్జెట్‌తో తెరకెక్కిన ఈ చిత్రం -పవన్‌కళ్యాణ్ కెరీర్‌లోనే భారీ అంచనాలతో విడుదలవుతున్న చిత్రంగానూ నమోదు అవుతోంది. ఈ చిత్రం సినిమా ఆడియో హక్కులే 2 కోట్లకు పైగా అమ్ముడుపోయినట్టు చెబుతున్నారు. తెలుగు సినిమా చరిత్రకు ఇదొక హైలెట్. దాంతోపాటు బిజినెస్ వర్గాల్లోనూ సంచలనం సృష్టిస్తున్న చిత్రాన్ని -అత్యంత గ్రాండ్‌గా విడుదల చేసేందుకు సన్నాహాలు పూర్తవుతున్నాయి.

సమ్మర్ సీజన్‌లో పవన్‌కల్యాణ్ సినిమాలకు ఎలాగూ గిరాకీ ఉంటుంది కనుక, లెక్కకుమించి థియేటర్లలో విడుదలకు ప్లాన్ చేస్తున్నట్టు వినికిడి. అందాల భామ కాజల్ హీరోయిన్‌గా నటిస్తున్న ఈ సినిమాలో లక్ష్మీరాయ్, సంజన ప్రత్యేక పాత్రల్లో కనిపిస్తార్ట అనే విషయాలు బిజినెస్ ని పతాక స్దాయికి తీసుకువెళ్లాయి.

పవన్‌కళ్యాణ్ నటిస్తున్న సర్దార్ గబ్బర్‌సింగ్ చిత్రం ఇటీవల సెన్సార్ కార్యక్రమాలు పూర్తిచేసుకుంది. కె.ఎస్.రవీంద్ర (బాబి) దర్శకత్వంలో తెరకెక్కిన ఈ చిత్రంపై ఇప్పటికే ఎన్నో అంచనాలు నెలకొన్నాయి. ఈ సినిమాతో పవన్ బాలీవుడ్‌లోకి ఎంట్రీ ఇస్తున్న విషయం తెలిసిందే. తెలుగుతోపాటు హిందీలో ఈనెల 8న విడుదల చేయడానికి సన్నాహాలు జరుగుతున్నాయి.

ఈ చిత్రం ప్రీ రిలీజ్ బిజినెస్ ఏరియా వైజ్...