»   » జనవరి 1 న : దర్శకుడు వంశీ చిత్రం రిలీజ్

జనవరి 1 న : దర్శకుడు వంశీ చిత్రం రిలీజ్

Posted by:
Subscribe to Filmibeat Telugu

హైదరాబాద్: "లేడీస్ టైలర్" , "అన్వేషణ", " ఏప్రిల్ 1 విడుదల" వంటి చిత్రాల దర్శకుడు వంశీ డైరక్ట్ చేస్తున్న తాజా చిత్రం జనవరి 1 న విడుదల చేయటానికి సన్నాహాలు జరుగుతున్నాయి. ఈ చిత్రం టైటిల్ 'వెన్నెల్లో హాయ్‌ హాయ్‌' . చాలా కాలం క్రితం పూర్తై ...రిలీజ్ ఆగిపోయిన ఈ చిత్రం ఎట్టకేలకు విడుదలకు సిద్దమైంది. ఈ చిత్రంలో అజ్మల్ హీరోగానూ, నికితా నారాయణ్ హీరోయిన్ గానూ చేస్తున్నారు.

'వెన్నెల్లో హాయ్‌ హాయ్‌.. మల్లెల్లో హాయ్‌ హాయ్‌ వరాల జల్లే కురిసే...' అంటూ 'ఔను వాళ్లిద్దరూ ఇష్టపడ్డారు' చిత్రంలో రవితేజ తెగ సందడి చేశారు. ఆ చిత్రానికి వంశీ దర్శకుడు. ఇప్పుడు ఆ పాటలోని తొలి పదాల్ని తన సినిమాకి టైటిల్‌గా పెట్టేశారు వంశీ. ఆయన దర్శకత్వంలో తెరకెక్కిన చిత్రానికి 'వెన్నెల్లో హాయ్‌ హాయ్‌' పేరు పెట్టారు.

ఈ చిత్రానికి ఇది వరకు 'తను మొన్నే వెళ్లిపోయింది' అనే టైటిల్‌ పెట్టారు. ఆ తరవాత 'మెల్లగా తట్టింది మనసు తలుపు'గా మార్చారు. ఇప్పుడు మళ్లీ ఈ కొత్త పేరు వచ్చింది. జనవరి 1, 2016న ఈ చిత్రాన్ని ప్రేక్షకుల ముందుకు తీసుకొస్తారు.

'Vennello Hai Hai', Director Vamshi's Next will be released this 1 JAN 2016

చిత్రం కాన్సెప్టు ఏమిటంటే... ఎదుటివారికి సాయపడటంలోనే తన ఆనందాన్ని వెదుక్కొనే యువకుడు సుశీల్‌. చదువులు పూర్తి చేసుకొన్నాడు. అందుకే ఇంట్లోవాళ్లు ఓ పెళ్లి సంబంధం చూశారు. సిగ్గులు ఒలకబోస్తూ పెళ్లింట్లో అందంగా ముస్తాబై కూర్చుంది సత్య. కాబోయే దంపతులు ఇద్దరూ ఒకర్నొకరు చూసుకొన్నారు. మనసు విప్పి మాట్లాడుకొన్నారు. ఆ వెంటనే ఇద్దరూ కలిసి ఓ అమ్మాయిని వెదికేందుకు ప్రయాణం కట్టారు. ఇంతకీ ఎవరా అమ్మాయి? ఈ జంటకీ, ఆ అమ్మాయికీ మధ్య సంబంధమేమిటి? తదితర విషయాలు తెలియాలంటే చిత్రం చూడాల్సిందే.

ఈ సందర్భంగా నిర్మాత మాట్లాడుతూ ''క్యాచీగా ఉండే టైటిల్‌ ఇది. కథకు కూడా అనువుగా ఉంటుంది. వంశీ తెరకెక్కించిన 25వ చిత్రమిది. ఆద్యంతం ఆయన శైలిలోనే హాయిగా సాగిపోతుంది''అన్నారు.

దర్శకుడు వంశీ మాట్లాడుతూ.. ''ఆహ్లాదభరితమైన ప్రేమ కథ. ఓ యువతి కోసం సుశీల్‌, సత్య సాగించే అన్వేషణ విధానం ప్రేక్షకుల్లో ఆసక్తిని రేకెత్తిస్తుంది''అన్నారు.

అజ్మల్ గతంలో "రంగం","రచ్చ" వంటి చిత్రాలలో కీలక పాత్రలు పోషించారు. తెలుగులో హీరోగా అజ్మల్ కి ఇదే మొదటి చిత్రం. ఈ చిత్రం ఫ్యామిలి ఎంటర్ టైనర్ గా తెరకెక్కింది. పూర్ణ నిర్మిస్తున్న ఈ చిత్రానికి ఈ చిత్రానికి కెమెరా: ఎమ్వీ రఘు, స్క్రిప్ట్ కో ఆర్డినేటర్: వేమూరి సత్యనారాయణ, ఎడిటింగ్: బస్వాపైడిరెడ్డి, సంగీతం: చక్రి.

English summary
Vamsi’s new directorial with Ajmal in the lead role and Nikitha Narayan as his lady love has been titled 'Vennello Hai Hai' . Just like Vamsi’s films, this film is also high on entertainment quotient while the story is based on the elements of love and suspense. Chakri has provided the soundtrack for the film. The film has almost wrapped major shoot is planned to be shot in Rajamundry. M.V.Raghu is cranking the camera and Basva Padireddy is the editor.
Please Wait while comments are loading...