Celebs » Jr. Ntr » Biography
బయోగ్రఫీ
నందమూరి తారక రామారావు  తెలుగు సిని నటుడు అభిమానులందరు జూనియర్ యన్.టి.ఆర్, తారక్ రామ్, యంగ్ టైగర్  అని పిలుచుకుంటారు. 20 may 1983 నందమూరి హరికృష్ణ మరియు శ్రీమతి శాలిని కి జూనియర్ యన్.టి.ఆర్ హైదరాబాద్ లో జన్మించాడు.

నందమూరి వంశం నుండి మూడోతరం నటుడిగా తెలుగు సినిమా ప్రపంచానికి పరిచయం అయి యంగ్ టైగర్ గా ప్రేక్షకుల మదిలో కొలువైన జూనియర్ యన్.టి.ఆర్ హైస్కూల్ వరుకు గుడివాడలోని మొంటిస్సోరి స్కూల్ లో చదివిన యన్.టి.ఆర్ ఇంటర్ మీడియట్ ను హైదరాబాద్ లోని సెయింట్ మేరీ జూనియర్ కాలేజీ లో కొనసాగించారు. చదువు తో పాటే నటనలోను, కూచిపూడి నాట్యంలోనూ ఓనమాలు దిద్దాడు జూనియర్. అప్పుడు కూచిపూడి డాన్సులో తీసుకున్న శిక్షణ మూలంగానే ఇప్పుడు ఎటువంటి నృత్య రీతిని అయిన అవలీలగా ప్రదర్శిస్తూ సాటిలేని మేటి  డాన్సర్ గా అబిమానులను అలరిస్తున్నాడు. నటనలో ఆడుగులు వేయటం తాతగారి వద్ద నేర్చుకున్న జూనియర్, సీనియర్ యన్.టి.ఆర్ దర్శకత్వం వహించిన 'బ్రహ్మర్షి విశ్వామిత్ర'(1991 ) సినిమా ద్వారా వెండితెర మీద తోలి పాదం మోపాడు.  ఐదు సంవత్సరాల తరవాత  'బాల రామాయణం' చిత్రంలో రాముడుగా నటించి అబ్బురపరిచాడు. 

2001 సంవత్సరంలో ఉషాకిరణ్ మూవీస్ బ్యానర్ లో వచ్చిన 'నిన్నుచుడాలని' సినిమాతో తోలిసారి హీరోగా చేసాడు, కానీ  అదే సంవత్సరం లో వచ్చిన ' స్టూడెంట్ నెం .1' మంచి విజయం సాదించి అతి చిన్న వయసులో యన్.టి.ఆర్ సాదించబోయే సంచలనాలకు తోలి మైలు రాయిగా నిలిచింది. 2002 లో వచ్చిన 'ఆది' తో కలక్షన్ల వర్షం కురిపించి మాస్ కు దగ్గరయ్యాడు. 2003 లో వచ్చిన సింహాద్రి లో నట విశ్వరూపాన్ని చూపించి ప్రేక్షకుల చేత దాసోహం అనిపించాడు. 20 సంవత్సరాలకే  స్టార్ హీరో గా ఎదిగిపోయిన యన్.టి.ఆర్ ఆ తరవాత కెరీర్ లో కొన్ని తప్పటడుగులు పడ్డాయి.  సరిగ్గా అదే సమయంలో దర్శకుడు రాజమౌళి ప్రోత్సాహంతో తన రూపు రేఖలను మార్చుకుని సరికొత్తగా 'యమదొంగ' చిత్రం తో ప్రేక్షకుల ముందుకు వచ్చి సంభ్రమాశ్చర్యాలు కలుగచేసాడు. 

ఈతరం నటులలో ఆహార్యం, అభినయంతో డైలాగులు చెప్పడం, మైమరిపించేల డాన్సులు వేయటం ఇలా అన్ని కళలు సమపాళ్ళలో కలిగిన నటుడు యన్.టి.ఆర్ ఒక్కడే అని నిర్మొహమాటంగా చెప్పవచ్చు. యమదొంగ తరవాత నుండి ఏ ఒక్క వర్గానికో కాకుండా అన్ని వర్గాల ప్రేక్షకులను మెప్పించే విదంగా ఆదుర్స్, బృందావనం వంటి సినిమాలను ఎంచుకుని విజయ పధాన పయనిస్తూ ముందుకు సాగుతున్నాడు.