Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
పోస్టర్ హల్చల్: పవన్-దాసరి సినిమాకు....తమిళ స్టార్ డైరెక్టర్?
హైదరాబాద్: దర్శక రత్న దాసరి నారాయణ రావు నిర్మాణ సారథ్యంలో పవన్ కళ్యాణ్ ఓ సినిమా చేయబోతున్నసంగతి తెలిసిందే. ఈ సినిమా కు ‘కల్కి' అనే టైటిల్ పెట్టే ఆలోచనలో ఉన్నట్లు ప్రచారం మొదలైంది. తాజాగా ఈ సినిమాకు డైరెక్టర్ పేరు కూడా ఖరారైదంటూ వార్తలు వినిపిస్తున్నాయి.
తమిళ స్టార్ డైరెక్టర్ మురుగదాస్ దర్శకత్వంలో ఈ సినిమా తెరకెక్కబోతున్నట్లు ఫిల్మ్ నగర్ గుసగుసలు వినిపిస్తున్నాయి. తెలుగు సంచలన సంగీత దర్శకులు దేవిశ్రీ ప్రసాద్, అనూప్ రూబెన్స్ కలసి సంగీతం సమకూర్చబోతున్నారని, ఆనంద్ సాయి ఆర్ట్ డైరెక్టరని, పీటర్ హెయిన్స్ ఫైట్స్ సమకూర్చబోతున్నాడని ప్రచారం జరిగిపోతోంది.
కొందరు అభిమానులు తమకు ఇప్పటి వరకు అందిన వివరాలతో ఓ పోస్టర్ కూడా తయారు చేసి ఇంటర్నెట్లో రిలీజ్ చేసారు. ‘కల్కి' అనే టైటిల్ చూస్తుంటే...ఈ పోస్టర్ చూస్తుంటే ఆయన గడ్డం పెంచేది ‘కల్కి' సినిమా కోసమే కాబోలు అనే సందేహం కలుగుతోంది.
దాసరి నారాయణ రావు మాత్రం పవన్ కళ్యాణ్ తో చేయబోయే సినిమాకు సంబంధించి ముఖ్యమైన విషయాలు ఏమీ బయట పెట్టలేదు. ఆగస్టులో సిసినిమా ప్రారంభిస్తామని మాత్రం ప్రకటించారు. దర్శకుడు ఎవరు? హీరోయిన్ ఎవరు? టెక్నీషియన్లు ఎవరు అనే విషయాలు ఇంకా ఖరారు కాలేదని స్పష్టం చేసారు.
ఆ సంగతి పక్కన పెడితే పవన్ కళ్యాణ్ మరికొన్ని రోజుల్లో...‘గబ్బర్ సింగ్-2' సినిమాకు రెడీ అవుతున్నారు. ఇందులో ఓ ఫ్లాష్ బ్యాక్ ఉంటుందిట. ఆ ఫ్లాష్ బ్యాక్ లో పవన్ గెడ్డం పెంచుకుని కనపడతారని తెలుస్తోంది. ఆర్టిఫిషియల్ గెడ్డాలతో షూటింగ్ ఎందుకని, పవన్ తనే స్వయంగా గెడ్డం పెంచుకున్నారని సమాచారం. ఈ గెడ్డంతో వచ్చే ఎపిసోడ్ సినిమాలో హైలెట్ గా నిలువనుందని చెప్పుకుంటున్నారు. ఈ ఫ్లాష్ బ్యాక్ ఎపిసోడ్ తోనే ...సినిమా షూటింగ్ ప్రారంభమవుతుందని అంటున్నారు. పూనే దగ్గర పల్లెలో ఈ చిత్రం షూటింగ్ ప్రారంభమవుతుందని అంటుననారు. అయితే ఇది ఎంత వరకూ నిజం అనేది తెలియాలంటే షూటింగ్ ప్రారంభం కావాల్సిందే.