»   » కనీ,వినీ రీతిలో ‘బాహుబలి’ ర్యాలి...పూర్తి డిటేల్స్

కనీ,వినీ రీతిలో ‘బాహుబలి’ ర్యాలి...పూర్తి డిటేల్స్

Posted by:
Subscribe to Filmibeat Telugu

హైదరాబాద్ : రాజమౌళి దర్శకత్వంలో భారీ బడ్జెట్‌తో తెరకెక్కి రిలీజ్ కు రెడీ గా ఉన్న ప్రతిష్టాత్మక ప్రాజెక్టు ‘బాహుబలి'. ప్రభాస్, అనుష్క, రానా ప్రధాన పాత్రలు పోషిస్తున్నారు. హాలీవుడ్ లెవల్లో తెరకెక్కిన ఈ చిత్రంపై అంచనాలు భారీగా ఉన్నాయి. జూలై 10న తెలుగు, తమిళ, మళయాల, హిందీ భాషల్లో భారీ ఎత్తున బాహుబలి విడుదల కానున్న విషయం తెలిసిందే. ఈ నేఫధ్యంలో ప్రభాస్ అభిమానులు ఓ ర్యాలిని నిర్వహించాలని నిర్ణయించారు. పూర్తి వివరాల్లోకి వెళితే...

ఫేస్‌బుక్ ద్వారా లేటెస్ట్ అప్‌డేట్స్ ఎప్పటికప్పుడు


‘బాహుబలి' విడుదల తేదీన అంటే 10 వ తేదిన... భీమవరంలో ఓ భారీ ర్యాలీ జరగనుందని తెలుస్తోంది. ప్రభాస్ ప్యాన్స్ చేసే ఈ ర్యాలీలో ..రెండు ఏనుగులు, 50 గుర్రాలు, వంద రాయల్ ఎన్ ఫీల్డ్ బుల్లెట్ బైక్ లు, 1000 మందికి పైగా ప్రభాస్ అభిమానులు పాల్గొననున్నారు. అయితే ఈ విషయమై సెక్యూరిటీ ఏ స్దాయిలో ఎలా ఇవ్వాలి అనేదానిపై పై వర్గాల్లో చర్చలు జరుగుతున్నట్లు తెలుస్తోంది.


Baahubali: Bhimavaram Fans Rally On July 10th

అయితే పోలీసులు ఈ ర్యాలికి ఇప్పటికే ఫర్మిషన్ ఇచ్చి ఉన్నారు. అయితే కొందరు అనేదాని ప్రకారం ఏనుగులును ప్రక్కన పెట్టి..గుర్రాలను 5 కు లిమిట్ చేయమని పోలీసులు అడిగినట్లు చెప్పుకుంటున్నారు. రిలీజ్ రోజున కానీ ఈ ర్యాలి ఏ విధంగా జరుగుతుందో తెలియదు.


ఈ ఉదయం బాహుబలి సౌండ్ మిక్సింగ్‌కు సంబంధించిన కార్యక్రమాలన్నీ పూర్తయ్యాయి. ఈ సినిమాలో కీరవాణి మ్యూజిక్ హైలైట్‌గా అవనుంది. ఈ రోజుతో కీరవాణి తన పాత్రను పూర్తి చేశారు. మరో ప్రక్క హైద్రాబాద్ అన్నపూర్ణ స్టూడియోలో సినిమాటోగ్రాఫర్ సెంథిల్ కుమార్ ఆధ్వర్యంలో డీఐ పనులు జరుగుతున్నాయి.


ఈ సినిమా దర్శకుడు ఎస్.ఎస్ రాజమౌళి బాహుబలి గురించి కొన్ని ఆసక్తికర విషయాలు తెలిపాడు. ఈ భారీ బడ్జెట్ చిత్రానికి మహాభారతమే తనకు స్పూర్తినిచ్చిందని తెలిపాడు. ఇదేకాదు దాదాపు తన సినిమాలన్నిటికీ రామాయణ, మహాభారతాలే స్పూర్తని చెప్పుకొచ్చాడు.


Baahubali: Bhimavaram Fans Rally On July 10th

ఈ రెండు ఇతిహాసాలతో తనకున్న అనుబంధమే దీనికి కారణమని తెలియజేసాడు. బాహుబలి పార్ట్ 1 జులై 10న మనముందుకు రానుంది. బాలీవుడ్ లో కరణ్ జోహార్ సమర్పిస్తున్న ఈ సినిమాను ఆర్కా మీడియా వర్క్స్ సంస్థ నిర్మిస్తుంది.


భారతీయ చిత్ర పరిశ్రమలో అత్యంత భారీ వ్యయంతో రూపొందుతున్న చిత్రం 'బాహుబలి'. రెండు భాగాలుగా తెరకెక్కుతున్న ఈ సినిమా తొలి భాగం 'బాహుబలి - ది బిగినింగ్‌' పేరుతో ప్రేక్షకుల ముందుకు రాబోతోంది.


ఈ చిత్రంలో ప్రభాస్‌, అనుష్క, తమన్నా, రానా ఇతర ముఖ్య పాత్రధారులు. ప్రసాద్‌ దేవినేని, శోభు యార్లగడ్డ నిర్మాతలు. కె.రాఘవేంద్రరావు సమర్పకుడు. ఇప్పటికే విడుదలైన ట్రైలర్‌కు అంతర్జాలంలో మంచి స్పందన వస్తోంది. కీరవాణి సంగీతం అందించారు.

English summary
Prabhas fans will be rallying on the roads of Bhimavaram town on Baahubali release day.
Please Wait while comments are loading...