Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
తండ్రి సొంత గ్రామం పేరు కలిసొచ్చేలా చెర్రీ కొత్త చిత్రం టైటిల్
రామ్ చరణ్ కొత్త చిత్రానికి మొగల్తూరు మొనగాడు అనే టైటిల్ పరిశీలిస్తున్నట్లు సమాచారం.
హైదరాబాద్ : మెగా పవర్ స్టార్ రామ్ చరణ్, దర్శకుడు సుకుమార్ కాంబినేషన్లో ఓ చిత్రం తెరకెక్కుతోన్న సంగతి తెలిసిందే. పూర్తి గ్రామీణ నేపథ్యంలో నిర్మించనున్న ఈ చిత్రానికి గత కొద్ది రోజులుగా టైటిల్ వేట మొదలైంది. ఈ చిత్రానికి పల్లెటూరి ప్రేమలు అనే టైటిల్ను పరిశీలిస్తున్నట్టు చెప్పుకున్నారు.
ఆ తర్వాత పల్లెటూరి మొనగాడు అయితే ఎలా ఉంటుందనే ఆలోచన చేసారట. చివరకు తన తండ్రి సొంత గ్రామమైన మొగల్తూరుని టైటిల్ లో వచ్చేలా ..మొగల్తూరు మొనగాడు అని పెడితే బాగుంటుందని ఫిక్స్ అయినట్లు చెప్పుకుంటున్నారు.
ఇప్పటికే విడుదల చేసిన మూవీ ఫస్ట్ లుక్ చూస్తుంటే ఈ సినిమా ఏ టైపులో ఉంటుందో కూడా అంచనా వేయలేకుండా ఉందని చెప్పాలి. రామ్ చరణ్ రెండు బిందెలు మోస్తున్న కావడి చూస్తుంటే ఈ మూవీ ఎంత డిఫరెంట్గా ఉండబోతోందో , పల్లెటూరి వాసనలు గుప్పుమనబోతున్నాయో తెలుస్తోంది. తన కెరీర్లో చెర్రీ 'మగధీర', 'ఆరెంజ్' తర్వాత పక్కా కాన్సెప్ట్ ఒరియెంటెడ్ మూవీ చేస్తున్నట్లు మీడియాలో వార్తలు వస్తున్నాయి.
ఈ సినిమా కోసం మెగా వారసుడు లుక్ పరంగా మేకోవర్ చేయడం విశేషం. గుబురు గడ్డెంతో రామ్ చరణ్ లుక్ సింప్లీ సూపర్బ్ అంటూ అభిమానులు ఇప్పటికే ప్రశంసలు వర్షం కురిపించేస్తున్నారు.
అలాగే ఈ చిత్రం పిరియడిక్ బ్యాక్ డ్రాప్లో తెరకెక్కుతున్నట్లు వినికిడి. మెత్రిమూవీస్ నిర్మిస్తున్న ఈ చిత్రంలో సుమంతను హీరోయిన్గా ఫైనల్ చేసినట్లు తెలుస్తోంది. సుకుమార్ ఆస్థాన సంగీత దర్శకుడు డిఎస్పీ సర్వాలు సమాకురుస్తున్నాడు.
అలాగే కోనసీమ బ్యాక్ డ్రాప్లో ఈ కథ కొనసాగుతుందనీ.. కోనసీమ కుర్రోడుగా చరణ్ కనిపిస్తాడని సినీవర్గాలు అంటున్నాయి చక్కటి లవ్ స్టోరీ గా చిత్రం ఉండబోతుందని, అప్పటి అంశాలను ఎంత అందంగా సినిమాలోకి ఇమడ్చవచ్చా అనే విషయమై దర్శకుడు తన టీమ్ తో కసరత్తులు చేస్తున్నారట. ఇది రామ్ చరణ్ కు గెటప్ నుంచి అంతా డిఫెరెంట్ గా ఉండబోయే చిత్రం అంటున్నారు.
కథ మొత్తం ఎనభైల్లో సాగుతుందిట. అప్పట్లో అంటే సెల్ పోన్ వంటి అనేక టెక్నాలిజీలు యూత్ కు అందుబాటు లోకి రానీ మంచు పల్లకి రోజుల్లో కథ, కథనం నడుస్తుందిట.