Don't Miss!
- News రాజీనామాకు సిద్దం - కోమటిరెడ్డి వెంకటరెడ్డి..!!
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Sports ఒక్కసారి కమిటైతే నా మాట నేనే వినను- కమిన్స్ Video
- Finance Gold Bonds: గోల్డ్ బాండ్స్ ప్రీమెచూర్ ధర ప్రకటించిన ఆర్బీఐ.. పూర్తి వివరాలివే..
- Automobiles సేఫ్టీలో మహీంద్రా బొలెరో నియోకు కేవలం 1-స్టార్ రేటింగ్.. దీనిపై కంపెనీ ఏమందంటే??
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
ఎన్టీఆర్ , బాబి కాంబోచిత్రం టైటిల్ ఇదా.. ? బడ్జెట్ ఎంతంటే
ప్రస్తుతం బాబీ దర్శకత్వంలో తెరకెక్కబోయే ఎన్టీఆర్ సినిమాకు టైటిల్ ఫిక్స్ చేసారంటున్నారు.
హైదరాబాద్ : జనతా గ్యారేజ్ సినిమాతో సూపర్ హిట్ కొట్టిన ఎన్టీఆర్.. ప్రస్తుతం బాబీ దర్శకత్వంలో తెరకెక్కబోయే సినిమా కోసం రెడీ అవుతున్నారు. తన అన్న నందమూరి కళ్యాణ్ రామ్ నిర్మాతగా ఎన్టీఆర్ ఆర్ట్స్ పతాకంపై తెరకెక్కనున్న ఈ సినిమా త్వరలోనే సెట్స్ మీదకు వెళ్లనుంది. ఎన్టీఆర్ సరసన ముగ్గురు హీరోయిన్స్ నటిస్తున్న ఈ సినిమాకు ఓ టైటిల్ ను ఫిక్స్ చేశారన్న టాక్ ఫిల్మ్ సర్కిల్స్ లో బయిలుదేరింది.
ఆ టైటిల్ ఏమిటంటే...నట విశ్వరూపం . నాలుగైదు టైటిల్స్ అనుకుని ఈ టైటిల్ ను ఫైనల్ చేసే ఆలోచనలో దర్శకుడు, హీరో ఉన్నారట చెప్పుకుంటున్నారు. అయితే ఈ టైటిల్ ఏమి గొప్పగా లేదని సోషల్ మీడియాలో విమర్శలు వినపడుతున్నాయి. అయితే ఇది యూనిట్ అనుకున్న టైటిల్ కాదని, ఎవరో అభిమానులు ఊహగా అనుకుని ప్రచారంలోకి తెచ్చినదే అని ఓ వాదన వినపడుతోంది.
మరో ప్రక్క నందమూరి కళ్యాణ్ రాం నిర్మిస్తున్న ఈ సినిమా బడ్జెట్ పై ముందే ఆంక్షలు విధించారని చెప్పుకుంటున్నారు. ఈమధ్య కళ్యాణ్ రామ్ నిర్మించిన సినిమాలన్ని ఫ్లాపులు అవుతుండటంతో ఈసారి బడ్జెట్ మితిమీరకుండా తగిన జాగ్రత్తలు తీసుకోవాలనే నిర్ణయం తీసుకున్నట్లు చెప్తున్నారు.
ముఖ్యంగా కిక్ 2, ఇజం ఫ్లాఫ్ దెబ్బ నుంచి కోలుకునేందుకు ఎన్టీఆర్ ఈ సినిమా తో సాయిం చేస్తున్నాడంటున్నారు. బాబికి ముందే 45 కోట్ల బడ్జెట్ అని చెప్పేశాడట కళ్యాణ్ రామ్. అంతకుమించి బడ్జెట్ పోకుండా చూడాలని గట్టిగా చెప్పారట.
రవితేజ తో చేసిన పవర్ తర్వాత పవన్ తో సర్దార్ గబ్బర్ సింగ్ సినిమా తీసిన బాబి ఆ సినిమా ఫ్లాప్ అవడంతో కాస్త గ్యాప్ తీసుకున్నాడు. ఇక నిన్న మొన్నటిదాకా రవితేజతో సినిమా అని అనుకున్నా అది కుదరకపోవడంతో తారక్ తో సినిమాకు ఫిక్స్ అయ్యాడు. మరి ఫ్లాప్ వచ్చినా లక్కీ ఆఫర్ కొట్టేసిన బాబి సినిమాను ఏ రేంజ్లో తీస్తాడో చూడాలంటున్నారు సినిమా జనం.