Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
రూ 1.5 కోట్లు : మహేష్ బాబు ‘తానా’ తందానా!
హైదరాబాద్: మహేష్ బాబు ఉన్న క్రేజ్ అంతా ఇంతా కాదు. అసలు ఆయన సినిమాల్లో తప్ప బయట కనబపడటమే అరుదు. ఆయన ఏదైనా సినిమా ఫంక్షన్ కు హాజరైనా...ఏదైనా షోరూం ప్రారంభోత్సవానికి వచ్చినా అభిమానుల తాకిడి ఎలా ఉంటుందో కొత్తగాచెప్పక్కర్లేదు. అందుకే పలు కార్పొరేట్ సంస్థలు మహేష్ బాబుతో పోటీ పడటానికి పోటీ పడుతున్నాయి.
ఇక విదేశాల్లో ఉండే తెలుగు వారు సైతం మహేష్ బాబు అంటే పడి చస్తారు. అందుకే ఆయన సినిమాలకు అక్కడ భారీ కలెక్షన్లు వస్తుంటాయి. అమెరికాలో తెలుగువాళ్లు చేసే ఉత్సవాల్లో 'తానా (తెలుగు అసోసియేషన్ ఆఫ్ నార్త్ అమెరికా) వేడుకలు' చాలా ఫేమస్. ఇక్కణ్ణుంచి ప్రముఖ తారలను అతిథులుగా పిలిచి, అక్కడి తెలుగువారిని ఆనందపరుస్తుంటారు తానా వేడుకల నిర్వాహకులు.
ఈ ఏడాది జూలైలో అమెరికాలోని డెట్రాయిట్ లో ఓ వేడుక నిర్వహించనున్నారు. ఈ వేడుకలో ముఖ్య అతిథిగా పాల్గొనాల్సిందిగా మహేష్ బాబుని కోరారట. ఆయన ఓకే కూడా చెప్పారు. ఇందుకుగాను గౌరవ వేతనం కింద మహేష్ బాబుకి గంటలకు రూ. 50 లక్షల చొప్పున 3 గంటలకు రూ. 1.5కోట్లు తానా అసోసియేషన్ వారు ఇస్తున్నారట. మహేష్ బాబు ఈ మొత్తాన్ని "Heal A Child Organization" కోసం డొనేట్ చేయనున్నారట. ఈ స్వచ్ఛంద సంస్థ కోసం మహేష్ బాబు భార్య నమ్రత గత కొంత కాలంగా పని చేస్తోంది. చిన్నపిల్లల కోసం ఈ సంస్థ పని చేస్తోంది.
మహేష్ హీరోగా మైత్రీ మూవీస్ సంస్థ ఓ చిత్రాన్ని తెరకెక్కిస్తున్న సంగతి తెలిసిందే. కొరటాల శివ దర్శకత్వంలో రూపొందుతున్న ఈ చిత్రాన్ని 8.1 కోట్లకు ఓవర్ సీస్ రైట్స్ అమ్మినట్లు తెలుస్తోంది. ఈ రేటు ఆల్ టైమ్ రికార్డు ప్రైస్ గా చెప్తున్నారు. నిర్మాత పార్టనర్ నవీన్...ఈ రైట్స్ ని సొంతం చేసుకున్నారు. మహేష్ కు ఓవర్ సీస్ లో పెరిగిన బిజినెస్ దృష్ట్యా ఈ రేటు పలికినట్లు తెలుస్తోంది. తానా వేడుకల్లో ఈ సినిమా ప్రమోషన్ కార్యక్రమాలు చేపట్టనున్నారట.