Don't Miss!
- Sports RCB vs KKR: విరాట్ కోహ్లీ ట్రేడ్ మార్క్ సిక్సర్.. బిత్తరపోయిన మిచెల్ స్టార్క్! వీడియో
- News జైల్లో చిప్పకూడే.: కేటీఆర్కు సీఎం రేవంత్ రెడ్డి స్ట్రాంగ్ కౌంటర్
- Automobiles గిఫ్ట్ అంటే అబ్బాయిలే ఇవ్వాలా.??.. పెళ్లిలో వరుడికి వధువు అదిరిపోయే బైక్ గిఫ్ట్.. వైరల్ వీడియో చూసేయండి
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
ఏం... పిచ్చి పిచ్చిగా ఉందా? క్లాస్ పీకడంతో ట్వీట్ డిలీట్ చేసిన మంచు మనోజ్?
నటనకు వీడ్కోలు పలుకుతున్నట్లు మంచు మనోజ్ ట్వీట్ చేసిన సంగతి తెలిసిందే. అయితే గంట వ్యవధిలోనే మనోజ్ ఆ ట్వీట్ డిలీట్ చేశాడు.
హైదరాబాద్: టాలీవుడ్ యంగ్ హీరో మంచు మనోజ్ ఈ రోజు ఉదయం చేసిన ట్వీట్ చూసి అంతా షాకయ్యారు. ప్రస్తుతం తాను చేస్తున్న 'ఒక్కడు మిగిలాడు' మరియు నా నెక్ట్స్ మూవీ నటుడిగా నా చివరి సినిమా.....థాంక్యూ ఆల్ అంటూ ట్వీట్ చేసిన సంగతి తెలిసిందే.
నటుడిగా తన కెరీర్కు పులిస్టాప్ పెడుతున్నాను..... అని అర్థం వచ్చేలా ఉన్న ఆ ట్వీట్ మంచు అభిమానులను డిసప్పాయింట్ చేసింది. అయితే ఆ ట్వీట్ను గంట వ్యవధిలోనే మనోజ్ డిలీట్ చేశాడు. కానీ అప్పటికే ఆ న్యూస్ వైరల్ అయింది.
క్లాస్ పీకిన్ మోహన్ బాబు? ట్వీట్ డిలీట్
మనోజ్ ఈ ట్వీట్ చేసిన విషయం వెంటనే వైరల్ అవ్వడం.... మోహన్ బాబుతో పాటు మంచు విష్ణ, మంచు లక్ష్మికి చేవిన పడటంతో.... వెంటనే మనోజ్ను పిలిపించి క్లాస్ పీకారని, వారి బలవంతంతోనే ట్వీట్ డిలీట్ చేశారని తెలుస్తోంది.
మనోజ్ సమాధానం ఇది..?
తనకు దర్శకత్వంపై ఆసక్తి ఉందని.... నిర్మాతగా, దర్శకుడిగా తన సత్తా నిరూపించుకోవాలనే ఉద్దేశ్యంతోనే ఆ ట్వీట్ చేసినట్లు వారికి మనోజ్ సమాధానం చెప్పినట్లు తెలుస్తోంది.
దర్శకత్వం ఓకే... కానీ ఇలా వద్దు
దర్శకత్వం చేయాలనిపిస్తే.... చేయ్, కానీ నటుడిగా ఇదే నా చివరి సినిమా అంటూ పిచ్చి పిచ్చి ట్వీట్స్ చేయొద్దు. రేపు ఏదైనా మంచి కథ వస్తే.... మళ్లీ నటుడిగా మారాల్సి వస్తే ఏం చేస్తావు? అంటూ మంచు కుటుంబ సభ్యులు గట్టిగా మందలించినట్లు సమాచారం.
అభిమానులు కూడా...
మంచు మనోజ్ ఇలాంటి నిర్ణయం తీసుకోవడం ఆయన అభిమానులకు కూడా నచ్చడం లేదు. ఇంత చిన్న వయసులో మనోజ్ ఇలాంటి నిర్ణయం తీసుకోవడం ఏమిటి....ఆయనకు ఇంకా చాలా భవిష్యత్ ఉంది, దర్శకత్వం చేయాలనకుంటే చేయాలి కానీ.... నటనకు దూరం అవ్వడం లాంటి నిర్ణయాలు తీసుకోవద్దు అని కోరుతున్నారు.
పబ్లిసిటీ స్టంట్
అయితే కొందరు మాత్రం ఇదంతా మంచు మనోజ్ తన సినిమా ‘ఒక్కడు మిగిలాడు' కోసం చేసిన పబ్లిసిటీ స్టంట్ అంటూ.....విమర్శిస్తున్నారు. ఈ రోజు ఈ మూవీ టీజర్ రిలీజ్ ఉన్న నేపథ్యంలో కావాలనే ఇలాంటి ట్వీట్ చేసి ఉంటాడని అంటున్నారు.
ఒక్కడు మిగిలాడు
ఒక్కడు మిగిలాడు ఒక విభిన్నమైన థీమ్ తో తెరకెక్కుతున్న చిత్రం. కమర్షియల్ యాంగిల్ నుంచి కాకుండా.. ఓ రియల్ స్టోరీని సినిమాగా తీస్తున్నారు. ఇప్పటికే విడుదలైన ఫస్ట్ లుక్ ఈ మూవీపై భారీ అంచనాలు పెంచింది. శ్రీలంకలో తమిళుల హక్కుల కోసం ప్రభుత్వంపై పోరాటం చేసిన ఎల్టీటీఈ థీమ్ తో ఈ స్టోరీ ఉండనుండగా.. మనోజ్ పాత్ర ఎల్టీటీఈ కమాండర్ నటిస్తున్నాడు.
మంచు మనోజ్ వివరణ
తన ట్వీట్ పై పెద్ద దుమారం రేగడంతో మంచు మనోజ్ వివరణ ఇచ్చారు. తాను చేయబోయే కొత్త సినిమా ప్రకటించడానికే ఇలా వినూత్నంగా ఆలోచించి, ఆ ట్వీట్ చేశానని తెలిపారు. చాలా మంది తన పోస్ట్ను రకరకాలుగా అర్థం చేసుకున్నారని, కానీ అది ఇలా అవుతుందని అనుకోలేదని చెప్పాడు.