Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
లవ్ ఎఫైర్?...నయనతార కొట్టడంతో ఆసుపత్రి పాలైన హీరో
చెన్నై: లవ్ ఎఫైర్లతో ఎప్పుడూ వార్తల్లో....వివాదాల్లో ఉండే సౌతిండియా హాట్ హీరోయిన్ నయనతార మరో వివాదంతో తాజాగా వార్తల్లోకి ఎక్కింది. తమిళనాడు మాజీ ముఖ్యమంత్రి కరుణానిధి మనవడు, తమిళ యంగ్ హీరో ఉదయనిధి స్టాలిన్పై నయనతార చేయి చేసుకుంది. కంటికి గాయం కావడంతో వెంటనే అతన్ని ఆసుపత్రికి తరలించినట్లు సమాచారం.
అసలు వివరాల్లోకి వెళితే....ఉదయనిధి స్టాలిన్, నయనతార జంటగా ప్రస్తుతం తమిళంలో ‘నాన్బెండ' అనే చిత్రం తెరకెక్కుతోంది. షూటింగులో భాగంగా నయనతార విలన్ చెంప చెల్లుమనిపించే సన్నివేశం చిత్రీకరిస్తున్నారు. అయితే అనుకోకుండా నయన చేయి స్టాలిన్కు తగిలింది. నయనతార చేతి వేలిగోర్లు అతని కంటికి తాకడంతో గాయమైనట్లు తెలుస్తోంది. దీంతో వెంటనే అతన్ని ఆసుపత్రికి తరలించి చికిత్స చేయించారు.
ఈ సంఘటనతో రకరకాల వార్తలు తమిళ మీడియాలో ప్రచారంలోకి వచ్చాయి. నయనతార, స్టాలిన్ ప్రేమించుకుంటున్నారని, నయనతార అతని ప్రేమను తిరస్కరిస్తూ చెంపపై కొట్టడంతో స్టాలిన్ ఆత్మహత్య ప్రయత్నం చేసారనే రూమర్లు వ్యాపించాయి. అయితే ఈ వార్తలను ఉదయనిధి స్టాలిన్ వెంటనే ఖండించారు.
తమ మధ్య ఎలాంటి ప్రేమ వ్యవహారం లేదని, తాము మంచి స్నేహితులమని ఉదయనిధి స్ఠాలిన్ తెలిపారు. తాను సూసైడ్ ప్రయత్నం చేసినట్లు వస్తున్న వార్తల్లో నిజం లేదన్నారు. ‘నాన్బెండ' చిత్రం షూటింగ్ జరుగుతుండగా అనుకోకుండా నయనతార చేయి తన కంటికి తాకండంతో ఆసుపత్రిలో చికిత్స తీసుకుంటున్నట్లు స్టాలిన్ తెలిపారు.