Don't Miss!
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Sports SRHకు భయపడి CSK సంచలన నిర్ణయం: ధోనీ మైండ్ గేమ్?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Lifestyle హడలెత్తిస్తున్న Bird Flu పాలు,గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
జనసేన పార్టీ ఎఫెక్ట్: పవన్ కళ్యాణ్ ఆ సినిమా చేయడా?
హైదరాబాద్: పవర్ స్టార్ పవన్ కళ్యాణ్, త్రివిక్రమ్ శ్రీనివాస్ కాంబినేషన్లో ‘కోబలి' అనే సినిమా వచ్చే అవకాశం ఉందని అప్పట్లో ప్రచారం జరిగిన సంగతి తెలిసిందే. రాయలసీమ బ్యాక్ డ్రాపులో సాగే ఈ చిత్రాన్ని స్వయంగా పవన్ కళ్యాణ్ నిర్మిస్తారని అన్నారు. తాజా పరిస్థితి గమనిస్తే ఈచిత్రం ఇక అటకెక్కినట్లే, పూర్తిగా రద్దయినట్లే అని అంటున్నారు.
చాలా కాలం క్రితమే ‘కోబలి' సినిమా ప్లాన్ చేసారు. అయితే ఆ తర్వాత పరిస్థితులు అనుకూలించలేదు. త్రివిక్రమ్ ఇతర సినిమాలతో బిజీ అయ్యారు. వచ్చే ఏడాది(2015) ఆయన మహేష్ బాబుతో సినిమా తీయబోతున్నారు. మరో వైపు పవన్ కళ్యాణ్ ‘గోపాల గోపాల' సినిమా పూర్తి చేసి ‘గబ్బర్ సింగ్-2' చిత్రం చేయాల్సి ఉంది.
ఆ తర్వాత అయినా పవన్ కళ్యాణ్ చేస్తాడా? అంటే డౌటే అంటున్నారు. ఎందుకంటే ఇటీవల పవన్ కళ్యాణ్ స్థాపించిన ‘జనసేన' పార్టీకి ఎన్నికల సంఘం గుర్తింపు లభించింది. ప్రస్తుతం ఆయన తన చేతిలో ఉన్న సినిమాలు పూర్తయిన తర్వాత పార్టీపై దృష్టి పెడతారని అంటున్నారు.
ఆంధ్రప్రదేశ్, తెలంగాణ రాష్ట్రాల్లో ‘జనసేన' పార్టీని గ్రామస్థాయి నుండి బలోపేతం దిశగా ఆయన అడుగు వేసే అవకాశం ఉందని అంటున్నారు. ఈ పరిణామాలన్నింటి దృష్ట్యా ‘కోబలి' సినిమా ఇక ఉండక పోవచ్చని ఫిల్మ్ నగర్ జనాలు చర్చించుకుంటున్నారు.