హోమ్

గాసిప్స్

హైదరాబాద్: పవన్ కళ్యాణ్ ప్రస్తుతం ‘సర్దార్ గబ్బర్ సింగ్' చిత్రంలో నటిస్తున్న సంగతి తెలిసిందే. ఈ సినిమాకు సంబంధించిన ఓ ఆసక్తికర విషయం ఒకటి వెలుగులోకి వచ్చింది. గతంలో గబ్బర్ సింగ్ చిత్రంలో ‘కెవ్వు కేక' సాంగ్ ఎంత ఫేమస్ అయిందో తెలిసిందే. అందుకు ఏ మాత్రం తీసిపోకుండా ఈ సినిమాలో కూడా ఓ ఐటం సాంగ్ ప్లాన్ చేసారు.

దర్శకుడు బాబీ, మ్యూజిక్ డైరెక్టర్ దేవిశ్రీ ప్రసాద్ ఇందుకోసం ఓ రచయితతో పాట రాయించి మంచి ఊపు ఉండే ట్యూన్ రెడీ చేసి ఫైనల్ చేయడం కోసం పవన్ కళ్యాణ్ పంపారట. ఆ పాట విన్న పవన్ కళ్యాణ్ భగ్గుమన్నట్లు సమాచారం. ఆ పాటలో అంతా బూతు సాహిత్యం ఎక్కువగా ఉండటమే ఇందుకు కారణమని తెలుస్తోంది. దీంతో వేరే పాటను రాయించారట.

మరో వైపు...ఈ చిత్రం కొత్త షెడ్యూల్ లో ఇగో క్లాషెష్ చోటు చేసుకున్నట్లు ఫిల్మ్ నగర్ సమాచారం. ఈ చిత్రానికి సనిమాటోగ్రాఫర్ గా పనిచేస్తున్న జయనేని విన్సెంట్ తో దర్శకుడు బాబికి కొన్ని ఇగో క్లాషెష్, క్రియేటివ్ డిస్ట్రిబెన్సెలు చోటు చేసుకున్నాయని, దాంతో జయన్ విన్సెంట్ బయిటకు వచ్చేసారని చెప్పుకుంటున్నారు. అయితే ఈ విషయమై అఫీషియల్ సమాచారం ఏమీ లేదు. అయితే ఈ విషయమై పవన్ మధ్యలో వేలు పెట్టలేదని, బాబి తనకు నచ్చిన కెమెరామెన్ ఆర్దర్ ఎ విల్స్ ని తీసుకువచ్చి మిగతా షూటింగ్ ని ఫినిష్ చేస్తున్నారని తెలుస్తోంది. అందుకే షూటింగ్ డిలే అవుతూ వస్తోందని అంటున్నారు.

నార్త్‌స్టార్‌ ఎంటర్‌టైన్‌మెంట్స్‌, పవన్‌ కల్యాణ్‌ క్రియేటివ్‌ వర్క్స్‌, ఎరోస్‌ ఇంటర్నేషనల్‌ చిత్రాన్ని రూపొందిస్తున్నాయి. కళ: బ్రహ్మ కడలి, కూర్పు: గౌతంరాజు, పోరాటాలు: రామ్‌ లక్ష్మణ్‌.