Don't Miss!
- Sports అందుకే ధోనీ ముందుగా బ్యాటింగ్కు రావట్లేదు- CSK కోచ్
- Finance IREDA: భారీగా లాభాలను ప్రకటించిన ఐఆర్ఈడీఏ..
- Automobiles మరింత తక్కువ ధరలో బజాజ్ చేతక్ ఇ స్కూటర్.. త్వరలో లాంచ్.!!
- Technology Dell నుంచి నాలుగు కొత్త Ai ల్యాప్టాప్లు! ధర,స్పెసిఫికేషన్లు
- News భారీ వర్షం - వాతావరణ శాఖ బిగ్ అలర్ట్..!!
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
ఎన్టీఆర్ జీవితచరిత్రపై బాలయ్య సినిమాకి డైరక్టర్, నిర్మాత ఎవరంటే...
ఎన్టీఆర్ జీవితచరిత్రపై చిత్రాన్ని పూరి జగన్నాధ్ డైరక్ట్ చేసే అవకాసం ఉంది.
హైదరాబాద్: నందమూరి తారక రామారావు జీవిత చరిత్రను త్వరలోనే సినిమా తెరకెక్కించనున్నట్లు ఆయన కుమారుడు హిందూపురం ఎమ్మెల్యే నందమూరి బాలకృష్ణ ప్రకటించిన సంగతి తెలిసిందే. ప్రస్తుతం స్క్రిప్టు వర్క్ జరుగుతోందని చెప్పారు. అయితే దర్శకుడు ఎవరనేది మాత్రం ఆయన రివీల్ చేయేలుదు.
అయితే ఇండస్ట్రీ వర్గాల నుంచి అందుతున్న సమాచారం ప్రకారం...దర్శకుడు పూరి జగన్నాథ్ ని ఈ చిత్రం కోసం సంప్రదించారని, ఆయన గ్రీన్ సిగ్నల్ ఇచ్చి, ఆ పనిలో ఉన్నారని, స్క్రిప్టు తుది మెరుగులు దిద్దుతున్నట్లు తెలుస్తోంది. అలాగే ఈ చిత్రాన్ని విష్ణు ఇందూరి నిర్మిస్తారని సమాచారం. ఎన్టీఆర్ జయంతి రోజు ...28 మే న ఈ ప్రాజెక్టుని పట్టాలు ఎక్కించే అవకాసం ఉంది.
బాలయ్య మాట్లాడుతూ... ఎన్టీఆర్పై సినిమా స్క్రిప్ట్ తయారవుతోందని, ప్రజలకు తెలియని విషయాలను సినిమాలో చూపిస్తామని అన్నారు. ఎన్టీఆర్ జీవితచరిత్రను పాఠ్యాంశంగా చేర్చాలని ప్రభుత్వాన్ని బాలకృష్ణ కోరారు. ఎన్టీఆర్ జన్మించిన నిమ్మకూరును ఆదర్శగ్రామంగా తీర్చిదిద్దుతామని అన్నారు.
హిందూపురం టీడీపీలో వర్గాలు లేవని బాలకృష్ణ పేర్కొన్నారు. వర్గపోరు రాజకీయాలను టీడీపీ ఉపేక్షించదని అన్నారు. హిందూపురంలో చెలరేగిన వివాదంపై అంతర్గత విచారణ జరుపుతామని ఆయన స్పష్టం చేశారు. తనకు హిందూపురం, నిమ్మకూరు రెండు కళ్లలాంటివని అన్నారు. హిందూపురం అభివృద్ధికి కృషి చేస్తున్నామని బాలకృష్ణ చెప్పారు.