Don't Miss!
- News పైసాకు పనికిరాని వ్యక్తి పవన్ - చంద్రబాబు..!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
టెంపర్ : ఎన్టీఆర్- పూరిలను గణేష్ ఇబ్బంది పెట్టాడా?
హైదరాబాద్: యంగ్ టైగర్ జూ ఎన్టీఆర్ హీరోగా పూరి జగన్నాథ్ దర్శకత్వంలో ‘టెంపర్' చిత్రం తెరకెక్కిన సంగతి తెలిసిందే. బండ్ల గణేష్ ఈ చిత్రానికి నిర్మాత. తాజాగా గణేష్ గురించి ఫిల్మ్ నగర్లో ఓ విషయం హాట్ టాపిక్ అయింది. నిన్న ‘టెంపర్' ఆడియో వేడుక తర్వాత ఇంది మరింత ఎక్కువయింది.
ఫేస్బుక్ ద్వారా లేటెస్ట్ అప్డేట్స్ ఎప్పటికప్పుడు
‘టెంపర్' షూటింగ్ ప్రారంభం అయిన తర్వాత బండ్ల గణేష్ దర్శకుడిని, హీరోను ఇబ్బందులకు గురి చేసాడని, పూరితో పాటు ఎన్టీఆర్కి రెమ్యూనరేషన్ విషయంలో కోతలు పెట్టాడని, అదే సమయంలో ఆ మధ్య షెడ్యూల్ లేటయితే డబ్బులు ఇవ్వలేదని, ఆలస్యం అయిన షెడ్యూల్ పూరి-ఎన్టీఆర్ సొంత డబ్బులతో పూర్తి చేసారని అంటున్నారు.
నిన్న జరిగిన ఆడియో వేడుకకు గెస్ట్ గా హాజరైన నిర్మాత కెఎస్ రామారావు మాట్లాడుతూ...టెంపర్ షూటింగ్ సమయంలో బండ్ల గణేష్ ఎక్కువ శాతం హైదరాబాద్ లోనే ఉన్నాడు, ఆయన లేకున్నా పూరి, ఎన్టీఆర్ సినిమాను పూర్తి చేసారు అని వ్యాఖ్యానించారు. ఆయన మాటల వెనక వేరే అంతరార్థం దాగి ఉందని అంటున్నారు.
ఆ విషయాలు పక్కన పెడితే ‘టెంపర్' ఆడియోతో పాటు....థియేట్రికల్ ట్రైలర్ అభిమానులను, ప్రేక్షకులను అమితంగా ఆకట్టుకుంటోంది. ఈ ట్రైలర్ సినిమాపై అంచనాలను భారీగా పెంచేసింది. ఎన్టీఆర్ గత చిత్రాలను బీట్ చేసే విధంగా ‘టెంపర్' ఓపెనింగ్స్ ఉంటాయని ట్రేడ్ విశ్లేషకులు అంచనా వేస్తున్నారు.
రెస్పాన్స్ కు తగిన విధంగానే ఈ చిత్రాన్ని తొలిరోజు భారీ ఎత్తున విడుదల చేసేందుకు నిర్మాత బండ్ల గణేష్ ఏర్పాట్లు చేస్తున్నారు. వెయ్యికిపైగా థియేటర్లు ఇప్పటికే బుక్ చేసినట్లు సమాచారం. మరో వైపు అమెరికాలోనూ ఈ చిత్రాన్ని 100కుపైగా స్క్రీన్లలో విడుదల చేసేందుకు ఏర్పాట్లు చేస్తున్నారు.
ఈ చిత్రానికి అనూప్ రూబెన్స్ సంగీతం అందించారు. సినిమాకు మ్యూజిక్ హైలెట్ అవుతుందని అంటున్నారు. ఫిబ్రవరి 12 లేదా 13న సినిమాను విడుదల చేసేందుకు ప్లాన్ చేస్తున్నారు. ఫుల్లెంగ్త్ కమర్షియల్, మాస్ ఎంటర్టైనర్గా రూపొందుతున్న ఈ సినిమాపై అభిమానులు భారీ ఎత్తున ఆశలు పెట్టుకున్నారు.