Don't Miss!
- News జగన్ సంచలనం..వైఎస్ భారతికి కీలక బాధ్యతలు
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Sports SRH vs RCB: అందుకే వాషింగ్టన్ సుందర్పై వేటు వేసాం: ప్యాట్ కమిన్స్
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఆ హీరోయిన్ ఓకే అయింది, ఎన్టీఆర్ లో గుబులు మొదలైంది?
హైదరాబాద్: యంగ్ టైగర్ ఎన్టీఆర్ హీరోగా కొరటాల శివ దర్శకత్వంలో తెతెరకెక్కుతున్న ‘జనతా గ్యారేజ్'. ఫిబ్రవరి రెండో వారం నుండి షూటింగ్ మొదలు కానుంది. ఇప్పటికే ఈ సినిమాలో సమంత హీరోయిన్ గా ఖరారు చేసే ఆలోచనలో ఉన్నారట. మరో ముఖ్యమైన పాత్రలో నిత్యా మీనన్ ను ఓకే చేసే ఆలోచనలో తెలుస్తోంది.
అయితే సమంతను తీసుకోవడంతో ఎన్టీఆర్ లో గుబులు మొదలైనట్లు ప్రచారం జరుగుతోంది. గతంలో సమంత ఇప్పటి వరకు ఎన్టీఆర్ తో మూడు సినిమాలు చేసింది. ఈ ఇద్దరి కాంబినేషన్లో వచ్చిన బృందావనం మంచి విజయం సాధించింది. అయితే తర్వాత వచ్చిన ‘రామయ్యా వస్తావయ్యా', ‘రభస' చిత్రాలు బాక్సాఫీసు వద్ద బోల్తా పడ్డాయి.
ఈ నేపథ్యంలో మళ్లీ సమంతతో అంటే కాస్త గుబులుగా ఉన్నాడట ఎన్టీఆర్. వాస్తవంగా చూస్తే ఇవన్నీ అర్థం పర్థం లేని సెంటిమెంట్లే. కథలో దమ్ము, దర్శకుడి వద్ద సత్తా ఉంటే సినిమా హిట్టవుతుంది అనే వాళ్లు లేక పోలేదు. అసలే సినిమా వాళ్లకు సెంటిమెంట్లు ఎక్కువ. అందుకే సమంత విషయంలో యూనిట్ మరోసారి పునరాలోచన చేస్తున్నట్లు సమాచారం. అందుకే ఇప్పటి వరకు అఫీషియల్ గా ప్రకటించలేదని అంటున్నారు.
ఇతర విషయాల్లోకి వెళితే..జనతా గ్యారేజ్ అనేది ప్రస్తుతానికి వర్కింగ్ టైటిల్ మాత్రమే. ఈ మూవీ కోసం హైద్రాబాద్ సారధి స్టూడియోస్ లో భారీ సెట్ వేస్తున్నారు. ఎన్టీఆర్ వర్క్ చేయబోయే జనతా గ్యారేజ్ పేరుగల మెకానిక్ షెడ్ ని దాని చుట్టుపక్కలుండే ప్రాంతాలను సెట్ వేస్తున్నారు. ఆర్ట్ డైరెక్టర్ ఏఎస్ ప్రకాష్ ఇప్పటికే సెట్ నిర్మాణ పనులను దగ్గరుండి పర్యవేక్షిస్తున్నాడు.
ఈ సినిమాలో ఎన్టీఆర్ కొత్త లుక్ తో కనిపిస్తారని, ఇందులో మెకానిక్ గా ఎన్టీఆర్ క్యారెక్టరైజేషన్ డిఫరెంటుగా ఉంటుందని అంటున్నారు. జనతా గ్యారేజ్ లో కీలకపాత్రలో మెహన్ లాల్ నటించబోతున్న సంగతి తెలిసిందే. కేరళనుండి మరో యంగ్ హీరో నటించబోతున్నారని సమాచారం. ఎన్టీఆర్ సినిమాలో ఇతని పాత్రకు కూడా ఎక్కువ ప్రాధాన్యం ఉండే అవకాశం వుందని తెలుస్తోంది. అతను మరెవరో కాదు కేరళ స్టార్ హీరో అయిన ఫహాద్ ఫాజిల్.