Don't Miss!
- News పవన్ ను ఆడిస్తున్న చంద్రబాబు-పెళ్ళిళ్లే కాదు సీట్లూ నాలుగే- కాకినాడలో జగన్ కామెంట్స్..!
- Sports SRH playing XI: అతనిపై వేటు..ఢిల్లీతో ఆడే తుదిజట్టు ఇదే
- Technology Lava ProWatch లావా ప్రోవాచ్ డిజైన్, ధర వివరాలు లీక్.. ఫంక్షన్ కీ సహా కీలక హెల్త్ ట్రాకర్లు..!!
- Lifestyle ఎండాకాలంలో ఈ ఫుడ్స్కు దూరంగా ఉండాలి.. లేదంటే డీహైడ్రేషన్ తప్పదు..
- Automobiles ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
అవును.. నాగార్జున తాత అవుతున్నాడు
హైదరాబాద్: మన్మధుడు నాగార్జున తాత అవుతున్నాడా...అవును నిజమే అంటున్నాయి తెలుగు సినీ వర్గాలు. అయితే నిజ జీవితంలో అందుకు ప్రస్తుతానికి అవకాసం లేదు కదా...ఇప్పటికి వెండి తెరపై ఆయన తాతగా కనిపించనున్నారు. ఆయన తాజాగా కమిటైన సోగ్గాడే చిన్న నాయిన చిత్రంలో ఆయన ద్వి పాత్రాభినయం చేస్తున్నారు. అందులో ఓ పాత్ర తాత అని విశ్వసనీయ సమాచారం.
ఉయ్యాల జంపాల నిర్మాత రామ్మోహరావు రూపొందిస్తున్న ఈ చిత్రం అన్నపూర్ణ స్టూడియోస్ సమర్పణలో నిర్మాణం కానుంది. కళ్యాణ్ అనే నూతన దర్శకుడు ఈ చిత్రాన్ని డైరక్ట్ చేస్తున్నారు. ఇందుకోసం రీసెంట్ గా ఫొటో షూట్ జరిగిందని తెలుస్తోంది. ఆయన తాతగా ఎలా కనిపించబోతున్నాడనేది ఆయన అభిమానుల్లో హాట్ టాపిక్ గా ఆసక్తికరమైన అంశంగా మారింది.
అలాగే విలేజ్ బ్యాక్ డ్రాప్ లో ఈ చిత్రం జరుగుతుంది. రమ్యకృష్ణ ఓ కీలకమైన పాత్రలో కనిపించనుంది. అన్నపూర్ణ బ్యానర్ పై ఈ చిత్రం నిర్మాణం జరుగుతుంది. ప్రస్తుతం నాగార్జున తన కుమారుడు నాగా చైతన్య తాజా చిత్రం రిలీజ్ ని పర్యవేక్షిస్తున్నారు.
'ఒక లైలా కోసం' గురించి నాగ్ మాట్లాడుతూ...ఆ చిత్రం ఇప్పటికే చూశా. ఈ సినిమా విషయంలో చాలా హ్యాపీగా ఉన్నా. మంచి సమయం తీసుకొని విడుదల చేస్తాం. ఈ రోజుల్లో మంచి సినిమా తీయడమే కాదు. సరైన సమయంలో విడుదల చేయడం కూడా ముఖ్యమే. 'మనం'కోసం రెండు నెలలు ఆగాం. మంచి సినిమా తీశాం. విడుదల విషయంలో కాస్త ఆలస్యమైనా ఫర్లేదు అన్నారు.