Don't Miss!
- Technology గూగుల్ Pixel 9 డిజైన్ లీక్ అయింది! స్పెసిఫికేషన్లు, లాంచ్ వివరాలు
- News బీజేపీ ఎమ్మెల్యే అభ్యర్దులు ఖరారు అయింది అక్కడేనా...!?
- Automobiles బుల్లితెర నటి 'ప్రజ్ఞా భట్' కొత్త కారు చూసారా.. ధర ఎంతో తెలుసా?
- Sports Hardik Pandya: కెప్టెన్గా చెత్త రికార్డు సాధించా.. హ్యాపీనే!
- Finance DA Hike: కోటి మంది ఉద్యోగులకు శుభవార్త.. మార్చి 30 నుంచి పెరిగిన జీతాలు..!!
- Lifestyle ఈ అలవాట్లు ఉన్నవారికి తీవ్ర కడుపులో అల్సర్ వచ్చే అవకాశం ఉంది...వెంటనే బయటపడండి...!
- Travel శివ కళ్యాణోత్సవాలకు ముస్తాబైన వేములవాడ రాజన్న ఆలయం!
ఫ్యాన్స్ కోసం నొప్పిని భరించింది: ఆసుపత్రిలో చేరిన బ్రిట్నీ స్పియర్స్
హైదరాబాద్: అమెరికన్ పాప్ స్టార్ బ్రిట్నీ స్పియర్స్ గురించి కొత్తగా పరిచయం అక్కర్లేదనుకుంటా. ఆమె షో అంటే అభిమానులు పడి చస్తారు. ఇటీవల లాస్ ఏంజిల్స్ లోని ఓ క్యాసినోలో బ్రిట్నీ స్పియర్స్ షో ఏర్పాటు చేసారు. అయితే స్టేజీ పెర్ఫార్మెన్స్ ఇస్తుండగా బ్రిట్నీ పడిపోయింది. ఆమె పాదంలోని చీలమండలం(యాంకిల్) వద్ద గాయమైంది.
అయితే నిర్వాహకుల్ని, అభిమానుల్ని నిరాశపర్చకుండా.. తీవ్రమైన బాధను భరిస్తూ కో- డ్యాన్సర్స్ సహాయంతో బ్రిట్నీ స్పియర్ షో పూర్తి చేసింది. ఆమె మరన్నిపాటలకు పెర్ఫార్మెన్స్ ఇవ్వాల్సి ఉన్నప్పటికీ నొప్పి భరించలేనంతగా ఉండటంతో....ఒక సాంగ్ షో అయిపోయిన వెనువెంటనే ఆమెను ఆసుపత్రికి తరలించారు.
'నేను కోలువాలని కోరుకున్న మీ అందరికీ థ్యాంక్స్. నిజానికి కింద పడిపోయిన ఆ రాత్రి నేను ఎంతగానో బెదిరిపోయాను. యాంకిల్ దెబ్బతింది. కానీ ఇప్పుడు ఓకే' అంటూ శుక్రవారం ట్విట్టర్ లో బ్రిట్నీ స్పియర్స్ ట్వీట్ చేసింది. బ్రిట్నీ త్వరగా కోలు కోవాలని ఆమె అభిమానులు ప్రార్థనలు చేస్తున్నారు.
ఆమె వ్యక్తిగత జీవిత విశేషాల్లోకి వెళితే...33 ఏళ్ల బ్రిట్నీ స్పియర్స్ డేవిడ్ లుకాడోను మూడవ వివాహం చేసుకోబోతున్నట్లు వార్తలు వినిపిస్తున్నాయి. రెండు పెళ్లిళ్ల తర్వాత తన మాజీ ఏజెంట్ జాసన్ ట్రావిక్తో కొంత కాలం సహాజీవనం చేసింది. అప్పట్లో వీరిద్దరూ పెళ్లి చేసుకునేందుకు ప్లాన్ చేసుకున్నారు కానీ ఎందుకనో అది ఆచరణకు నోచుకోలేదు. అతనితో విడిపోయాక లీగల్ రీసెర్చర్ డేవిడ్ లుకాడోకు దగ్గరైంది ఈ హాట్ బ్యూటీ.
అంతకు ముందు తన చిన్ననాటి స్నేహితుడు జాసన్ అలెగ్జాండర్ని చేసుకోగా..అతనితో విడిపోయిన తర్వాత డ్యాన్సర్ కెవిన్ ఫెడర్లిన్ను వివాహం చేసుకున్నారు. కొన్ని అనివార్య కారణాల వల్ల అతనితో కూడా స్పియర్స్ విడిపోయారు. డ్యాన్సర్ కెవిన్ ఫెడర్లిన్తో కలిసి సంసారం చేసినప్పుడు బ్రిట్నీ స్పియర్స్ ఇద్దరు పిల్లలకు జన్మనిచ్చింది. సీన్ ఫ్రెస్టన్ వయసు 8 సంవత్సరాలు కాగా.. జేడన్ జేమ్స్ వయసు 7 సంవత్సరాలు.