గుంటూర్ టాకీస్ (2016)(A)
గుంటూర్ టాకీస్ స్టోరి
గుంటూర్ టాకీస్ సినిమా కామిడి రోమ్యాంటిక్ ఎంటర్టైనర్ చిత్రం ఇందులో శ్రద్దా దాస్, రేష్మి గౌతమ్, సిద్దు, నరేష్, మహేష్ మంజ్రెకర్, మంచు లక్ష్మి, రఘు బాబు, తాగుబోతు రమేష్, ఫిస్ వెంకట్ తదితరులు ముఖ్యపాత్రలలో నటించారు. ఈ సినిమాకి దర్శకత్వం ప్రవీణ్ సత్తార్ నిర్వహించారు.
కథ
గుంటూర్ టాకీస్ అనే మెడికల్ షాపులో పనిచేసే హరి(సిద్ధు), గిరి(నరేష్) రాత్రివేళ చిల్లరదొంగతనాలు చేస్తుంటారు. సిద్ధు లవర్ రేష్మి. ఓసారి ఇద్దరూ ఒకరికి తెలియకుండా ఒకరు సీఐ రఘుబాబు కు చెందిన ఇళ్లలో ఐదు లక్షలు దోచేస్తారు. ఆ డబ్బుతో ఇద్దరూ తమకు నచ్చినట్లుగా ఎంజాయ్ చేద్దాం అనుకునే సమయానికి వారిని ఓ రౌడీ బ్యాచ్ బంధిస్తుంది. కోటి రూపాయలు విలువ చేసే ఓ డబ్బా గురించి అడుగుతూ ఎక్కడ దాచారంటూ హింసిస్తుంటారు. మరో వైపు తన డబ్బు కోసం సీఐ రఘుబాబు వీరి వెంట పడుతుంటాడు. రివాల్వర్ రాణి (శ్రద్ధా దాస్) కూడా వీరి కోసం వెతుకుతుంది. ఆ కోటి రూపాయల విలువ చేసే డబ్బాలో ఏముంది? వీరికి ఆడబ్బాకు సంబంధం ఏమిటి? రివాల్వర్ రాణి ఎవరు? రష్మి క్యారెక్టర్ ఏమిటి? అనేది తెరపై చూడాల్సిందే.