మనలో ఒకడు (2016)

నిజాయితీయే ప్రాణంగా భావిస్తూ స్టూడెంట్స్ కు ఫిజిక్స్ భోదిస్తూ జీవిస్తున్న ఫ్రొఫెసర్ కృష్ణమూర్తి(ఆర్పీ పట్నాయిక్) . సింపుల్ గా బ్రతికే అతని భార్య శ్రావణి (అనిత) కూడా అలాంటిదే. ఆవిడ పిల్లలకి సంగీత పాఠాలు చెప్తూంటుంది. ఇల్లూ, కాలేజ్ తప్ప వేరే జీవితం ఎరగని అతని జీవితం ఓ రోజు టీవిలో వచ్చిన ఓ న్యూస్ తో తిరగబడుతుంది. కృష్ణమూర్తి పై కాలేజీలో చదువుకొనే ఓ స్టూడెంట్ తనని లైంగికంగా వేధించాడని మూడో కన్ను ఛానల్‌కి ఫోన్‌ చేసి ఫిర్యాదు చేస్తుంది. వెంటనే ఆ ఛానల్‌ ‘కీచకుడు' అంటూ వార్తని ప్రసారం చేస్తుంది. దాంతో కృష్ణమూర్తి రోడ్డున పడతాడు..తను నిర్దోషిని అని, తనుకు అందలో పాత్ర ఏమీ లేదని ప్రూవ్ చేసుకోవాలని కృష్ణమూర్తి చాలా ప్రయత్నం చేస్తాడు. కానీ అంతకు మించి అన్నట్లు వరస్ట్ గా అయ్యిపోతుంది సిట్యువేషన్. దాంతో కృష్ణమూర్తి జీవితంలో చాలా సమస్యలు ఎదుర్కొంటాడు. ఇంట్లో భార్యతో విభేదాలు తలెత్తుతాయి. బయట అంతా ఓ నేరస్తుడిలా చూస్తుంటారు. నిజంగా కృష్ణమూర్తి ఆ తప్పు చేశాడా? మూడో కన్ను ఛానల్‌ ప్రసారం చేసిన ఆ వార్తలో నిజమెంత? కృష్ణమూర్తి ఉదంతంలో మూడోకన్ను ఛానల్‌ ఎండీ ప్రతాప్‌ (సాయికుమార్‌) పాత్ర ఏమిటి? ఎలా ఆ సమస్యలు నుంచి బయిటకు వచ్చాడు. తను నిర్దోషిని అని ఎలా ప్రూవ్ చేసుకున్నాడు. తదితర విషయాల్ని తెరపైనే చూడాలి.