Don't Miss!
- News ఉండి టీడీపీలో వార్ - మారుతున్న లెక్కలు, ఆడియో వైరల్..!!
- Finance Stock Market: ప్లాట్ గా స్టాక్ మార్కెట్లు.. టెక్ మహీంద్రాలో భారీ కుదుపు..!
- Lifestyle ప్రపంచంలోనే అత్యంత పోషకమైన వేచూర్ ఆవు పాలు: గిన్నీస్ రికార్డ్ సాధించిన ఈ ఆవు గురించి ఆసక్తికరమైన విషయాలు
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
లైంగిక వేధింపులు నిజమే, రాజమౌళికి సారీ చెబుదామనుకున్నా: అర్చన
హైదరాబాద్: సినిమా పరిశ్రమలో మహిళలపై లైంగిక వేధింపులు ఉంటాయని, కొందరు హీరోలు, దర్శకులు, నిర్మాతలు అవకాశాల పేరుతో వారిని లొంగదీసుకోవాలని చూస్తారనే ప్రచారం చాలా కాలంగా ఉంది. ఇలాంటి విషయాలపై కొందరు హీరోయిన్లు గతంలో బహిరంగంగానే స్పందించారు. ఇలాంటివి జరుగుతాయనేది ఓపెన్ సీక్రెట్ అని చెప్పారు.
అయితే తెలుగు సినీ పరిశ్రమలో తనకు ఎదురైన ఇలాంటి సంఘటన గురించి హీరోయిన్ అర్చన తాజాగా ఓ ఇంటర్వ్యూలో చెప్పుకొచ్చారు. ఓ ప్రముఖ నటుడు తనను ఇండైరెక్ట్గా అలా అడిన విషయాన్ని అర్చన ఇంటర్వ్యూలో గుర్తు చేసుకున్నారు.
తన సినిమాలో అవకాశమిచ్చిన ప్రముఖ నటుడు షూటింగ్ పూర్తయిన తర్వాత 'నీకు అవకాశం ఇచ్చాను కదా.. నాకేమిస్తావ్ అని అడిగాడు'. నాకేం చెప్పాలో తెలియలేదు. వెంటనే మీకు ఇచ్చేంత దాన్ని కాదని చెప్పి తప్పించుకున్నాను, ఆ కోపంతో ఆ సినిమాలో నా పాత్రను చాలా వరకు కట్ చేసేశారు అని ఆమె తెలిపారు.
ప్రోత్సాహం లేదు
తెలుగులో హీరోయిన్లు చాలా తక్కువ, ఉన్న కొద్ది మంది నా లాంటి వారికి ఇండస్ట్రీలో ప్రోత్సాహం లేదు. ‘కమలతో నా ప్రయాణం' సినిమా సమయంలో ప్రమోషన్ కోసం చాలా మంది సినీ పెద్దలను కలిశానని, కానీ, వారెవరూ తనకు సహాయం చేయలేదని ఆమె తెలిపారు. ఇక్కడ సరైన ప్రోత్సాహం లేకనే ముంబై వెళ్లానని, ప్రస్తుతం పలు హిందీ సినిమాల్లో చేస్తున్నట్లు తెలిపారు.
ఆ సినిమా వల్లే
హీరోయిన్ గా ఎదుగుతున్న రోజుల్లో ‘నువ్వొస్తానంటే నేనొద్దంటానా' లాంటి సినిమాల్లో సపోర్టింగ్ రోల్స్ చేసి కొన్ని తప్పులు చేసారు. ఇలాంటి వాటి వల్లే చాలా పెద్ద అవకాశాలు, హీరోయిన్ ఆఫర్లు పోయాయి అని తెలిపారు అర్జన.
పరిస్థితి వేరేలా ఉండేదేమో?
‘మొదటి సినిమా ‘నేను'లో హీరోయిన్ పాత్ర చేసిన తర్వాత ‘నువ్వొస్తానంటే నేనొద్దాంటానా'లో బలవంతంగా సపోర్టింగ్ రోల్ చేయవలసి వచ్చింది కళ్లజోడు పెట్టి డీ-గ్లామర్గా చూపించడంతో ఆ సినిమా సెట్లో రోజూ ఏడ్చేదాన్ని. కేవలం ఆ సినిమాలో చేయడం వల్లే ఓ పెద్ద డైరెక్టర్ సినిమాలో హీరోయిన్ పాత్రను పొగొట్టుకున్నా. ‘నువ్వొస్తానంటే..' చేయకపోయి ఉండుంటే ఈ రోజు పరిశ్రమలో నా స్థానం వేరేలా ఉండేదేమో.
రాజమౌళికి సారీ చెబుదామనుకున్నా
అదే సమయంలో రాజమౌళి గారు తీసిన ‘మగధీర' సినిమాలో సలోని చేసిన పాత్ర ఆఫర్ చేసారు. అప్పుడు ఆ ఆఫర్ తిరస్కరించాను. రాజమౌళిగారు చాలా మంచి వ్యక్తి, ఒక ఆర్టిస్టులోని తపనను అర్థం చేసుకునే దర్శకుడు. ఆయన ఆఫర్ కాదన్నందుకు సారీ చెబుదామనుకున్నాను అని అర్చన చెప్పుకొచ్చారు.