»   » ‘సరైనోడు’ షూటింగులో గాయపడ్డ అల్లు అర్జున్

‘సరైనోడు’ షూటింగులో గాయపడ్డ అల్లు అర్జున్

Posted by:
Subscribe to Filmibeat Telugu

హైదరాబాద్: స్టైలిష్ స్టార్ అల్లు అర్జున్ ప్రస్తుతం బోయపాటి శీను డైరెక్షన్‌లో ‘సరైనోడు' చిత్రం షూటింగులో గాయపడ్డట్లు ప్రచారం జరుగుతోంది. ఈ విషయమై యూనిట్ సభ్యుల నుండి ఎలాంటి సమాచారం లేక పోయినా....ఇటీవల ల్యాండ్ కేసు విషయంలో రంగా రెడ్డి కోర్టుకు హాజరైన సందర్భంలో, నిన్నఅల్లు రామలింగయ్య జాతీయ పురస్కార వేడుకలో బన్నీ కుడి చేతికి కట్టుతో కనిపించడమే ఈ ప్రచారానికి కారణమని తెలుస్తోంది.

అల్లు అర్జున్ హీరో గా బోయపాటి శ్రీను దర్శకత్వంలో ‘సరైనోడు' టైటిల్ తో ఓ చిత్రం రూపొందుతున్న విషయం తెలిసిందే. రెగ్యులర్ షూటింగ్ జరుపుకుంటున్న ఈ చిత్రంలో అల్లు అర్జున్ ..పవర్ ఫుల్ పోలీస్ అధికారిగా కనిపించనున్నారని సమాచారం. పవర్‌ఫుల్ రొమాంటిక్ యాక్షన్ ఎంటర్‌టైనర్‌గా రూపొందుతున్న ఈ చిత్రంలో అల్లు అర్జున్ పాత్ర చిత్రణ భిన్నకోణాల్లో సాగుతుందని తెలిసింది.

బోయపాటి, అల్లు అర్జున్ కాంబినేషన్‌లో తొలిసారిగా రానున్న ఈ చిత్రంపై ఇప్పటికే అభిమానుల్లో భారీ అంచనాలేర్పడ్డాయి. తాజాగా అందుతున్న సమాచారం ప్రకారం సంక్రాంతికి ఈ చిత్రం ఫస్ట్ లుక్ విడుదల చేయాలని నిర్ణయించినట్లు తెలుస్తోంది. ఇలా చేస్తే అభిమానులకు పండగ ట్రీట్ ఇచ్చినట్లు ఉంటుందని భావిస్తున్నారట.

 Allu Arjun injured on the sets of 'Sarainodu'

తమన్‌ ఈ చిత్రానికి సంగీతం అందిస్తున్నారు. అల్లు అర్జున్‌ జన్మదినం సందర్భగా ఏప్రిల్‌ 8న చిత్రాన్ని విడుదల చేసేందుకుసన్నాహాలు చేస్తున్నారు. యాక్షన్‌తో కూడిన ప్రేమకథగా ఈ చిత్రం తెరకెక్కుతోంది. రకుల్ ప్రీత్ సింగ్ మెయిన్ హీరోయిన్ గా నటిస్తోంది. శ్రీకాంత్‌, ఆది పినిశెట్టి కీలక పాత్రలు పోషిస్తున్నారు.

‘‘బన్ని బాడీ లాంగ్వేజ్‌కి సరిపోయే కథను సిద్ధం చేశాను. అరవింద్‌గారు, బన్ని ఈ కథ విని వెంటనే ఓకే చేశారు. పక్కా అవుట్‌ అండ్‌ అవుట్‌ హీరోయిజం ఉన్న స్టోరీ ఇది. లవ్‌ స్టోరీ కూడా మిళితమై ఉంటుంది. కొత్త బన్ని కనిపిస్తారు'' అని బోయపాటి ఇటీవల ఓ ఇంటర్వ్యూలో తెలిపారు.

English summary
Allu Arjun injured on the sets of 'Sarainodu'. It has been reported that stylish star Allu Arjun sustained injuries on his hand, while trying for action filled shot in the film. The news has surfaced when actor Allu Arjun was seen with bandage in one of his hand during his visit to Ranga Reddy court in a case related with land dispute.
Please Wait while comments are loading...