Don't Miss!
- Sports SRH vs RCB: చరిత్ర సృష్టించిన విరాట్ కోహ్లీ!
- News ఐటీ హబ్ లో హైఅలర్ట్, దెబ్బకు అన్ని కంపెనీలకు సెలవు, ఓటు సరే పెళ్లామ్ తో జంప్!
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
నిత్యామీనన్లో తప్ప ఎవరిలో ఆ క్వాలిటీ లేదు: అల్లు అర్జున్
హైదరాబాద్: రుద్రమదేవి చిత్రంలో అల్లు అర్జున్ గోన గన్నారెడ్డి అనే పాత్ర చేస్తున్న సంగతి తెలిసిందే. సినిమాలో ఎంతో కీలకమైన పాత్ర. తెలుగు సినిమా పరిశ్రమలో స్టార్ హీరోగా వెలుగొందుతున్న అల్లు అర్జున్ ఈ పాత్ర చేయడానికి ఒప్పుకోవడం ఆసక్తికరం.
మన సంస్కృతి, చరిత్రను గురించి చెప్పే సినిమా ఇది. ఇలాంటి మంచి సినిమాను తెరకెక్కిస్తున్న గుణశేఖర్ కు అండగా నిలవాలనే మంచి ఉద్దేశ్యంతో అల్లు అర్జున్ ఈ సినిమా చేయడానికి ఒప్పుకున్నారు. మరి ఇలాంటి పాత్రను ఒప్పుకోవడంపై అల్లు అర్జున్ తాజాగా ఇంటర్వ్యూలో స్పందించారు.
ఈ విషయమై అల్లు అర్జున్ మాట్లాడుతూ రిస్కీ ప్రాజెక్ట్ అనే విషయం తెలిసి ధైర్యంగా ఈ సినిమాను అంగీకరించాను. ఈ సినిమా విడుదల విషయంలో సందేహం ఉండేది. అలాగే హీరోగా ఉన్నప్పుడు ఇలాంటి పాత్ర చేయడం అవసరమా? ఎందుకు రిస్క్ తీసుకోవడం అని కొందరు తనతో అన్నట్లు అల్లు అర్జున్ చెప్పుకొచ్చారు.
తెలుగు సినిమాల్లో ఉండే మంచి లక్షణమే నన్ను ఈ సినిమాను అంగీకరించేలా చేసింది. ప్రస్తుతం హాలీవుడ్ నటులు కూడా కథానుగుణంగా చిన్న పాత్రలు వేస్తుంటారు. హీరోలుగా నటిస్తూనే మంచి కథాంశాలతో కూడిన సినిమాల్లో భాగమవుతున్నారు. ఈ మధ్య కాలంలో నిత్యామీనన్లో తప్ప ఎవరిలో ఇలాంటి క్వాలిటీ చూడలేదు. హీరోయిన్గా నటిస్తూనే నచ్చిన సినిమాలు చేస్తోందామె. వృత్తిపరమైన దృక్కోణం నుంచి ఆలోచించి ఈ సినిమాలో నటించాను అని అల్లు అర్జున్ చెప్పుకొచ్చారు.