Don't Miss!
- News మేషరాశిలో శుక్ర దహనం.. ఈ రాశులవారికి కెరీర్ లో పెనుసవాళ్లు
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
చిక్కుల్లో నాగార్జున: అన్నపూర్ణ స్టూడియోస్పై ఆంధ్రా బ్యాంక్ కేసు
హైదరాబాద్: అక్కినేని నాగార్జున మేనేజింగ్ డైరెక్టర్గా ఉన్న అన్నపూర్ణ స్టూడియోస్పై ఆంధ్రా బ్యాంక్ కేసు నమోదు చేసింది. అన్నపూర్ణ స్టూడియోస్ను ఆంధ్రా బ్యాంక్ విల్ఫుల్ డిఫాల్టర్గా ప్రకటించింది. అంటే కావాలని రుణం చెల్లించనిదిగా ప్రకటించడం. ఈ మేరకు సోమవారం ఈ ప్రముఖ దినపత్రికలో వార్తాకథనం ప్రచురితమైంది.
ఆ వార్తాకథనం ప్రకారం - బ్యాంకు రుణాలు, వ్యక్తులు లేదా సంస్థల క్రెడిట్ రేటింగ్కు అత్యంత ప్రామాణికమైన సిబిల్ వెబ్సైట్ ప్రకారం అన్నపూర్ణ స్టూడియోస్ ఒక్క ఆంధ్రా బ్యాంకుకే రూ.222.54 కోట్ల బకాయి పడింది. ఈ బకాయి వసూలుకు ఆంధ్రా బ్యాంక్ కేసు దాఖలు చేసింది. సిబిల్ వెబ్సైట్లోని సూట్ ఫైల్డ్ కేసుల విభాగం అన్నపూర్ణ స్టూడియోస్ పేరు ఉంది.
సూట్ ఫైల్ చేసిన కంపెనీ డైరెక్టర్ల పేర్లలో అక్కినేని నాగార్జున (మేనేజింగ్ డైరెక్టర్), సుప్రియ యార్లగడ్డ, వెంకట్ అక్కినేని, వెంకటేశ్ రొడ్డం, నిమ్మగడ్డ ప్రసాద్, అనుమోలు నాగ సుశీల పేర్లు ఉన్నాయి. బ్యాంక్ అధికారులు అన్నపూర్ణ స్టూడియోస్ బాకీ పడిన మాట నిజమేనని అంగీకరిస్తూ రుణం మొత్తం సిబిల్ పేర్కొన్నంతగా లేదని చెప్పినట్లు ఆంధ్రజ్యోతి దినపత్రిక రాసింది.
అన్ని బ్యాంకులకు కలిపి అన్నపూర్ణ స్టూడియోసే బకాయిలు మొత్తం రూ. 100 కోట్ల వరకు ఉంటుందని తెలిపినట్లు కూడా రాసింది.