Don't Miss!
- Sports 500 టీ20 మ్యాచ్ ఆడబోతున్న ఐపీఎల్ స్టార్: మ్యాన్ ఆఫ్ మెయిడెన్ ఓవర్స్
- News వైసీపీకి చిక్కిన లోకేష్ ట్వీట్..ఆ వెంటనే ఏం చేశారంటే..?
- Finance Gold Rate Today: బంగారం ప్రియులకు షాక్.. పెరిగిన ధర..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
- Automobiles రూ. 10 లక్షల ధరలో టాటా నెక్సాన్ AMT కొత్త వేరియంట్లు విడుదల.. వివరాలివే.!!
- Lifestyle Lok Sabha Election 2024:మరో 3 నెలల్లో పట్టాభిషేకం ఎవరికి? జ్యోతిష్యం ఏ పార్టీకి స్ట్రాంగ్ గా సపోర్ట్ చేస్తోంది
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
ఆ ప్రెజర్ తట్టుకోలేకే పవన్ కళ్యాణ్ సినిమా వదులుకున్నా... ఇన్నాళ్ళకి నోరు విప్పింది
సర్దార్ గబ్బర్ సింగ్' సినిమాలో హీరోయిన్గా ఫిక్స్ అయ్యిందనే న్యూస్ కారణంగా బాగా పాపులరైన అనీషా తర్వాత సర్దార్ లో తాను ఎందుకు లేదో చెప్పేసింది
పవన్ సరసన హీరోయిన్ గా నటించే అవకాశం కోసం ప్రముఖ హీరోయిన్లు పోటీ పడుతుంటారు. అలాంటిది కేవలం ఒకే ఒక్క సినిమాలో నటించిన, అది కూడా సక్సెస్ కానీ సినిమా... అందులో నటించిన హీరోయిన్ పవన్ సరసన నటించే అవకాశాన్ని దక్కించుకుంది.
అనీషా ఆంబ్రోస్
ఆ అమ్మాయి ‘అలియాస్ జానకి' అనీషా ఆంబ్రోస్. అయితే అసలు ఎంపిక చేసారు అన్న న్యూస్ పక్కా అందరికీ చేరక ముందే ఆమెను తప్పించేసారు అన్న న్యూస్ కూడా వచ్చేసింది. అయ్యో పాపం అనుకున్నారు. ఆ తర్వాత అనీషా ప్లేస్ లో కాజల్ ని తీసుకోవటం, ఆ సినిమా పవన్ కెరీర్ లోనే డిజాస్టర్ గా నిలవటం తెలిసిందే.
సర్దార్ గబ్బర్ సింగ్
'సర్దార్ గబ్బర్ సింగ్' సినిమాలో హీరోయిన్గా ఫిక్స్ అయ్యిందనే న్యూస్ కారణంగా బాగా పాపులరైన అనీషా... ఆ తరువాత ఈ సినిమాలో బెర్త్ కోల్పోయినా మూవీ లవర్స్ మాత్రం ఆమెను గుర్తు పెట్టుకున్నారు. అప్పటి నుంచి ఏదో ఒక సినిమాలో అనీషాకు అవకాశాలు వస్తున్నా, ఇప్పటివరకు ఆమె కెరీర్లో చెప్పుకోదగ్గర హిట్ మాత్రం రాలేదు.
అలియాస్ జానకి
ఆ తరువాత 'అలియాస్ జానకి', రన్ వంటి సినిమాల్లో నటించినా అవన్నీ బాక్సాఫీస్ దగ్గర బోల్తా కొట్టడంతో ఇంకా ఒక సరైన సక్సెస్ కోసం చూస్తూనే ఉంది... అయితే అసలు సర్దార్ లో తాను ఎందుకు లేదో రీసెంట్ గా చెప్పేసిందీ అమ్మాయి... ఇంతకీ విషయం ఏమిటంటే...
గోపాల గోపాల
‘పవన్ కళ్యాణ్ గారు అతిథి పాత్ర చేసిన ‘గోపాల గోపాల'లో నేను చిన్న క్యారెక్టర్ చేశాను. ఆ సందర్భంగా నన్ను చూసిన పవన్ గారు.. ‘సర్దార్ గబ్బర్ సింగ్' కోసం ఆడిషన్ కు రమ్మన్నారు. నేను షాకైపోయాను. ఆడిషన్ అయిపోయాక నన్ను హీరోయిన్ గా ఓకే చేశారు.
విపరీతమైన ప్రెజర్
ఆ క్షణం నుంచి నేను విపరీతమైన ప్రెజర్ ఎదుర్కొన్నాను. అప్పుడే ఇండస్ట్రీలోకి అడుగుపెట్టిన అమ్మాయిగా.. పవన్ కళ్యాణ్ గారి లాంటి పెద్ద స్టార్ సరసన సినిమా చేయబోతున్న నాకు అప్పటి పరిస్థితుల్ని ఎలా హ్యాండిల్ చేయాలో అర్థం కాలేదు. జనాలు నా గురించి రకరకాల అభిప్రాయాలు వ్యక్తం చేశారు.
నిమిషానికి 200-300 మెసేజ్ లు
నా ట్విట్టర్ అకౌంట్ ఓపెన్ చేస్తే చాలు.. నిమిషానికి 200-300 మెసేజ్ లు వచ్చి పడేవి. ఇదంతా చూస్తే నాకు భయమేసింది. చాలా పెద్ద భారాన్ని మోస్తున్నట్లు అనిపించింది. నన్ను కథానాయికగా ఎంపిక చేశాక ఇంకే కమిట్మెంట్ ఇవ్వొద్దని చెప్పారు. దీంతో 8 నెలల పాటు ఖాళీగా ఉండిపోయాను.
ఎలాంటి బాధ అనిపించలేదు
ఆ సమయంలో నా మీద ఉన్న ప్రెజర్ అలాంటిలాంటిది కాదు. దాన్ని తట్టుకోవడం చాలా కష్టమైంది. అదే సమయంలో నా బదులు కాజల్ అగర్వాల్ ను తీసుకున్నట్లు చెప్పారు. ఆ పాత్ర చేయడానికి ఆమే కరెక్ట్. నాకీ విషయంలో ఎలాంటి బాధ అనిపించలేదు'' అని అనీషా తెలిపింది.