Don't Miss!
- News ఏపీ ఇంటెలిజెన్స్ డీజీగా కుమార్ విశ్వజిత్, విజయవాడ సీపీగా రామకృష్ణ
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
బాలకృష్ణ కోపం గురించి అంజలి
హైదరాబాద్ : బాలకృష్ణ సెట్లో చాలా కోపంగా ఉంటారనీ... క్రమశిక్షణ ఎక్కువనీ ఇలా చాలా చాలానే విన్నా. దీంతో తొలి రోజు భయపడుతూనే సెట్కి వెళ్లా. క్రమశిక్షణ, సమయపాలన విషయాల్లో చెప్పినట్టే జరిగింది కానీ... బాలకృష్ణగారు సెట్లో కోప్పడిన సందర్భం మాత్రం ఒక్కటంటే ఒక్కటీ లేదు అంటూ చెప్పుకొచ్చింది అంజలి. నందమూరి బాలకృష్ణతో ఆమె ‘డిక్టేటర్'లో నటించింది. ఆ చిత్రం ఈ నెల 14న ప్రేక్షకుల ముందుకొస్తోంది. ఈ సందర్భంగా అంజలి మీడియాతో ముచ్చటించింది. ఈ సందర్బంగా ఆమె చెప్పిన విషయం ఇది.
అలాగే..బాలకృష్ణ ...ఎప్పుడూ నవ్వుతూ, నవ్విస్తూ సరదాగా గడుపుతుంటారాయన. హీరోయిన్స్, సహనటుల దగ్గరే కాదు... లైట్బాయ్ వరకు అందరితోనూ అదే కలుపుగోలుతనం. ఆయన దగ్గర చాలా విషయాలు నేర్చుకొన్నా. నటనకు సంబంధించి కొన్ని సలహాలు ఇచ్చారు.
ఇక డబ్బింగ్ చెప్పేటప్పుడు నా నటనని చూసి ‘చాలా బాగా చేశావు' అని మెచ్చుకోవడం ఇంకా ఆనందాన్నిచ్చింది. ‘డిక్టేటర్' ఒక కొత్త రకమైన సినిమా. ఇదివరకటి బాలకృష్ణగారి సినిమాలకంటే భిన్నంగా ఉంటుంది. నా పాత్ర కోసం ఐదున్నర కిలోలు తగ్గా.
ఇంతకుముందు ‘లెజెండ్', ‘లయన్' చిత్రాల్లో బాలకృష్ణగారి సరసన నటించే అవకాశం వచ్చినా, కాల్షీట్ల సమస్య వల్ల చేయలేకపోయా. ఈసారి మాత్రం వదల్లేదు అని చెప్పింది. ఈ చిత్రంపై ఆమె చాలా అంచనాలు పెట్టుకుంది.