» 

అనుష్క ‘వర్ణ’రిలీజ్ డేట్ ఖరారు

Posted by:
Give your rating:

హైదరాబాద్ : అనుష్క నటించిన భారీ చిత్రం 'వర్ణ'. ఈ సినిమా నవంబర్ 15న గానీ 22న గానీ విడుదలకానుంది. నిర్మాతలు ఇంకా ఈ తేదిని అధికారికంగా ప్రకటించాల్సివుంది. ముందుగా దీపావళికి ఈ సినిమాను విడుదల చేద్దాం అనుకున్నా కొన్ని కారణాల వలన వాయిదాపడిందని సమాచారం. ఆర్య ఈ సినిమాలో హీరోగా నటిస్తున్నాడు.

అలాగే ఆర్య, అనుష్క ఈ సినిమాలో ద్విపాత్రాభినయం చెయ్యనున్నారు. తమిళ వెర్షన్ ఆడియో ఇప్పటికే విడుదలైంది. తెలుగు వెర్షన్ యొక్క ఆడియో అక్టోబర్ రెండో వారంలో విడుదలచెయ్యనున్నారు. ఒక కొత్త రకం ప్రేమకధ తో రొమాంటిక్ ఫాంటసీ రూపంలో చూపించనున్నారు. ఈ సినిమాకు సెల్వ రాఘవన్ దర్శకుడు. ప్రసాద్ వి పోట్లురి పి.వి.పి బ్యానర్ పై నిర్మిస్తున్నారు. హరీశ్ జయరాజ్ సంగీత దర్శకుడు. నేపధ్య సంగీతాన్ని అనిరుధ్ అందిస్తున్నాడు

అనుష్క మాట్లాడుతూ...''తొలి రోజుల్లో కెమెరా ముందు సరిగ్గా నటించడం వస్తే చాలనుకొనేదాన్ని. ఇప్పుడేమో అందరూ 'నువ్వు మంచి నటివి' అని చెబుతుంటారు. అలాంటి మాటలు విన్నప్పుడు ఒక రకమైన భావోద్వేగానికి గురవుతుంటా'' అని చెబుతోంది అనుష్క.


తొలి రోజుల్ని గుర్తుతెచ్చుకొన్నప్పుడు ఏమనిపిస్తుంటుందని అనుష్కని అడిగితే.... ''నమ్మశక్యంగా ఉండదు. కలల ప్రపంచంలో జీవిస్తున్నానా అనే సందేహం తలెత్తుతుంటుంది. అసలు సినిమా కెమెరా ఎలా ఉంటుందో కూడా తెలిసేది కాదు. అనుకోకుండా చిత్ర పరిశ్రమలోకి వచ్చాను. అవకాశాన్ని వృథా చేసుకోకూడదని సినిమాలు చేశాను. క్రమంగా ఆ సినిమానే అన్నీ నేర్పించింది. ఇప్పుడు గతాన్ని గుర్తుకు తెచ్చుకొంటే... ఇలా ఎలా మారిపోయానా అని అనిపిస్తుంటుంది.

ఆ క్షణం ఎంత సంతృప్తి పొందుతుంటానో మాటల్లో చెప్పలేను. అదే సమయంలో కాస్త భయం కూడా వేస్తుంటుంది... ఈ స్థాయి గుర్తింపు, గౌరవాన్నిచ్చిన ప్రేక్షకులపట్ల మరింత బాధ్యతగా వ్యవహరించాలనే విషయం గుర్తుకొచ్చి'' అని చెప్పుకొచ్చింది అనుష్క. ఆమె త్వరలోనే 'వర్ణ' అనే చిత్రంతో తెరపై సందడి చేయబోతోంది. ప్రస్తుతం 'రుద్రమదేవి', 'బాహుబలి' చిత్రాల్లో నటిస్తోంది.

Read more about: anushka, arya, varna, అనుష్క, వర్ణ, ఆర్య
English summary
Anushka is getting ready to roll out her next film Varna which is expected to hit screens on either November 15th or 22nd. An official announcement will be out soon. The makers have initially planned for a Diwali release but had to postpone later. Arya is the male lead in the movie and it is expected that both Arya and Anushka will be playing double roles in the movie.
Please Wait while comments are loading...
 
X

X
Skip Ad
Please wait for seconds

Bringing you the best live coverage @ Auto Expo 2016! Click here to get the latest updates from the show floor. And Don't forget to Bookmark the page — #2016AutoExpoLive