Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఇది మా అమ్మ ఇచ్చిన బహుమతి: పాతదే కానీ రెహమాన్ కి అదే అపురూపం అట
జీవితంలో కొన్ని బహుమతులను తీపి జ్ఞాపకాలుగా దాచిపెట్టుకుంటాం. కొందరు ఇచ్చిన వస్తువులనయితే జీవితాంతం భద్రంగా కాపాడుకుంటాం.ఆత్మీయులు ఇచ్చే బహుమానాలు ఎంతో ప్రత్యేకంగా దాచుకుంటాం! సంవత్సరాలు గడుస్తున్నా వాటిని భద్రంగా దాచుకుంటాం. వాటి మీద ధూళీ కూడా పడనివ్వయం. ఇక తొలిసారిగా అందుకున్న బహుమానాలు అయితే మరీ జాగ్రత్తగా చూసుకుంటాం.
అయితే ఎవరు ఎన్నిరకాల బహుమతులు ఇచ్చినా కూడా కన్నతల్లి ఇచ్చే బహుమానం ఎవరికైనా మరింత ప్రత్యేకం కదా! తన తల్లి ఇచ్చిన తొలి బహుమతికి సంబంధించిన కొన్ని జ్ఞాపకాలను అభిమానులతో పంచుకున్నారు ప్రముఖ సంగీత దర్శకుడు ఎ.ఆర్.రహమాన్. ప్రసిద్ధ సంగీత దర్శకుడు, ఆస్కార్ అవార్డ్ విన్నర్ ఏ.ఆర్. రెహమాన్ కూడా తన తల్లి కరీమా బేగం ఇచ్చిన బహుమతిని ఎంతో అపురూపంగా దాచిపెట్టుకున్నారట.
తన తల్లిపై ఎనలేని ప్రేమను కనబరిచే ఏ.ఆర్.రెహమాన్కు ఆయన తల్లి కరీమా బేగం 1986 ఓ అంబాసిడర్ కారును బహుమతిగా ఇచ్చారట. ఈ విషయాన్ని ఆయన తాజాగా సోషల్మీడియా సైట్ ఫేస్బుక్ ద్వారా తన అభిమానులకు తెలిపారు. ఆ కారుని తన ఇంటి వద్ద పెరట్లో భద్రంగా దాచుకున్నట్లు పేర్కొన్నారు. ఆ కారు ఫోటోను కూడా రెహ్మాన్ పోస్ట్ చేశారు. ఫేస్ బుక్ లో మాత్రం వెంటనే ఆయన అభిమానులు స్పందించారు.
పోస్ట్ చేసిన ఆ ఫొటోకు లైక్స్ వర్షం కురుస్తోంది. కేవలం కొన్ని నిమిషాల్లోనే 51 వేలకు పైగా లైక్స్ తో పాటు వందల మంది కామెంట్లు, షేర్ చేయడంతో వైరల్ గా మారింది. కొందరైతే అమ్మ ఇచ్చిన బహుమతిని ఇలాగేనా చూసుకునేది, కారును బాగు చేయించండి సార్ అంటూ కామెంట్ చేశారు. అమ్మ అప్యాయతతో ఏది ఇచ్చినా జాగ్రత్తగా చూసుకోవాల్సిన బాధ్యత కొడుకుగా మీపై ఉంది అంటూ రెహమాన్ కు సూచిస్తున్నారు.