Don't Miss!
- Finance SBI MF: ప్రైవేట్ బ్యాంక్ దెబ్బతో రూ. 1,200 కోట్లకు పైగా నష్టపోయిన ఎస్బీఐ మ్యుచువల్ ఫండ్..
- Sports SRHను చూస్తే భయమేస్తోంది- పాక్ దిగ్గజం
- Technology కొత్త సబ్స్క్రిప్షన్ ప్లాన్లను విడుదల చేసిన జియో సినిమా... యాడ్ ఫ్రీ, 4K కంటెంట్ సహా అనేక ప్రయోజనాలు..!
- Lifestyle బీట్రూట్ జ్యూస్ తాగితే ఇన్ని ప్రయోజనాలా..? వారంపాటు తాగితే ఎలాంటి ఫలితముంటుందంటే..?
- News టీడీపీ గెలుపు కష్టమే.. ఎంపీ అభ్యర్థి అభ్యర్థి లావు కృష్ణ దేవరాయలు షాకింగ్ కామెంట్స్
- Automobiles 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
దాంతో పోలిస్తే ‘బాహుబలి’ చాలా చిన్నది: రాజమౌళి
హైదరాబాద్: బాహుబలి సినిమాతో తన సత్తా ఏమిటో నిరూపించాడు దర్శక ధీరుడు రాజమౌళి. హాలీవుడ్ స్థాయి సినిమాలు తీయగలిగే సత్తా ఇండియన్ ఫిల్మ్ మేకర్స్ కి కూడా ఉందని చాటి చెప్పాడు. ప్రస్తుతం ఆయన ‘బాహుబలి' పార్ట్ 2 ప్రీ ప్రొడక్షన్ పనుల్లో బిజీగా గడుపుతున్నారు.
'మహాభారతం' ఆధారంగానే బాహుబలి స్టోరీ తయారు చేసుకున్నట్లు, రాబోయ బాహుబలి సెకండ్ పార్ట్ కు ఆధారం కూడా మహాభారతమే' అని గతంలో చెప్పుకొచ్చారు రాజమౌళి. బాహుబలి అనే సినిమా రాజమౌళికి ఇంటర్నేషనల్ గా గుర్తింపు తెచ్చింది. మహాభారతాన్ని సినిమాగా తీయాలనే ఆలోచన కూడా రాజమౌళి మదిలో ఉంది.
అయితే ఈ సినిమా తీయడం అంత సులువు కాదంటున్నాడు రాజమౌళి. బాహుబలి సినిమా హిట్టయినంత మాత్రాన ‘మహాభారతం' సినిమా తీయడం ఈజీ అనుకుంటే పొరపాటే. ‘నాపై అభిమానంతో కొందరు అలా అంటున్నారు. కానీ నా మదిలో ఉన్న మహాభారతం అనేది చాలా పెద్దది.. దానితో పోల్చుకుంటే బాహుబలి అనేది చాలా చిన్నది. లాగే మహా భారతాన్ని తీయడానికి నాకున్న అనుభవం మరియు టెక్నికల్ నాలెడ్జ్ సరిపోదు. ఇంకా నేర్చుకోవాలని' అన్నారు.
‘బాహుబలి-ది కంక్లూజన్' షూటింగ్ విషయాల్లోకి వెళితే.... ప్రస్తుతం రాజమౌళి అండ్ టీం ప్రీ ప్రొడక్షన్ పనుల మీద బిజీగా గడుపుతున్నారు. డిసెంబర్ 14 నుండి షూటింగ్ మొదలు కానుంది. రామోజీ ఫిల్మ్ సిటీలో షూటింగుకు సంబంధించిన సెట్టింగ్స్ రెడీ అవుతున్నాయి.
బాహుబలి పార్ట్ 1 విజయం అందించిన ఉత్సాహంతో రాజమౌళి అండ్ టీం సెకండ్ పార్ట్ ను మరింత అద్భుతంగా తీయాలనే పట్టుదలతో ముందుకు సాగుతున్నారు. సెకండ్ పార్ట్ ప్రేక్షకుల ఊహకు అందని విధంగా ఉంటుందని, గతంలో ఇండియన్ సినిమా చరిత్రలో ఎన్నడూ చూడని అనుభూతి ఈ సినిమా ద్వారా ప్రేక్షకులు పొందుతారని అంటున్నారు.