Don't Miss!
- Finance HUL: రూ.24 డివిడెండ్ ప్రకటించిన హిందుస్థాన్ యూనిలీవర్..
- News వివేకా కేసులో మరో అనూహ్య ట్విస్ట్- విచారణ నుంచి తప్పుకున్న జడ్జి..!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Sports సూపర్మ్యాన్ స్టబ్స్: మెరుపు ఫీల్డింగ్తో ఢిల్లీని గెలిపించాడు! Video
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
బాహుబలి2 మరో రికార్డు.. రిలీజ్కు ముందే అమెరికాలో..
ప్రేక్షకులందరూ గత రెండేళ్లుగా ఎదురుచూస్తున్న బాహుబలి ది కన్క్లూజన్ సినిమా రిలీజ్కు ముందే రికార్డులు సృష్టిస్తున్నది.
ప్రేక్షకులందరూ గత రెండేళ్లుగా ఎదురుచూస్తున్న బాహుబలి ది కన్క్లూజన్ సినిమా రిలీజ్కు ముందే రికార్డులు సృష్టిస్తున్నది. విడుదలకు ముందే అడ్వాన్స్ బుకింగ్ ద్వారా అమెరికాలో భారీ కలెక్షన్లను రాబట్టింది. అమెరికాలో ఓ తెలుగు సినిమాకు ఇంత భారీ మొత్తంలో స్పందన రావడం ఇదే మొదటిసారి. అడ్వాన్స్ బుకింగ్ కలెక్షన్ల వివరాలను గ్రేట్ ఇండియా ఫిల్మ్స్ ప్రతినిధి, అమెరికా పంపిణీదారుడు, ట్రేడ్ అనలిస్టు రమేశ్ బాలా వెల్లడించారు. అడ్వాన్స్ బుకింగ్ కలెక్షన్ల వివరాలను ట్విట్టర్ ద్వారా తెలిపారు.
యూఎస్లో రికార్డు
తొలిరోజే అత్యధిక కలెక్షన్లను వసూలు చేసిన భారతీయ చిత్రంగా బాహుబలి2 ఓ రికార్డు నెలకొల్పింది. అడ్వాన్స్ బుకింగ్ ద్వారా రూ.19 కోట్లు ( 3 మిలియన్ అమెరికా డాలర్లు) వసూలు చేసింది అని రమేశ్ బాలా తెలిపారు. గంటకు రూ.64 లక్షల (100000 డాలర్లు) చొప్పున టికెట్లు అమ్ముడు పోయాయి అని ట్విట్టర్లో తెలిపారు.
అత్యధిక షోలు..
బాహుబలి2 చిత్రం ప్రపంచవ్యాప్తంగా 9 వేల స్క్రీన్లలో విడుదల అవుతున్నది. తెలంగాణ, ఆంధ్రప్రదేశ్ ప్రభుత్వాలు ప్రత్యేక షోల ప్రదర్శనలకు అనుమతి ఇచ్చిన సంగతి తెలిసిందే. తెలంగాణలో ప్రతీ రోజు 5 షోలు, ఏపీలో 6 షోలు ప్రదర్శించేందుకు ప్రభుత్వాలు గ్రీన్ సిగ్నల్ ఇచ్చింది.
వంద కోట్ల దిశగా..
అధిక థియేటర్లలో విడుదల కావడం, ప్రేక్షకుల నుంచి మంచి రెస్పాన్స్ వస్తుండటంతో ఈ చిత్రం భారీ కలెక్షన్లను రాబట్టే అవకాశం ఉంది. ఈ చిత్రం రూ.1000 కోట్ల వసూళ్లను రాబట్టే అవకాశముందని ట్రేడ్ అనలిస్టులు అంచనా వేస్తున్నారు.
రిలీజ్కు సిద్ధం..
బాహుబలి1 చిత్రానికి కొనసాగింపుగా వస్తున్న బాహుబలిలో ప్రభాస్, రానా దగ్గుబాటి, అనుష్కశెట్టి, తమన్నా, సత్యరాజ్, రమ్యకృష్ణ తదితరులు నటించారు. ఈ చిత్రం ఏప్రిల్ 28 (శుక్రవారం)న రిలీజ్కు సిద్ధమవుతున్నది.