Don't Miss!
- Sports DC vs RR: కొంపముంచిన మోహిత్ శర్మ.. రిషభ్ పంత్ విధ్వంసం!
- News కేసీఆర్ కాన్వాయ్లో ప్రమాదం: ఒకదానికొకటి 8 వాహనాలు ఢీ
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
సౌత్ఈస్ట్ ఆసియాలో భారీగా విడుదలవుతున్న ‘బాహుబలి’
హైదరాబాద్: ఇండియన్ బిగ్గోస్ట్ మోషన్ పిక్చర్ ‘బాహుబలి' డొమెస్టిక్ బాక్సాఫీసు వద్ద సృష్టించిన సంచలనం, కలెక్షన్ల సునామీ అంతా ఇంతా కాదు. అమెరికాతో పాటు పలు ఇతర దేశాల్లోనూ ఈ చిత్రం వసూళ్లు కుమ్మేసింది. తాజాగా ఈ చిత్రం ఇతర ఆసియా దేశాల్లోనూ సత్తా చాటేందుకు సిద్ధమవుతోంది.
బాహుబలి చిత్రాన్ని చైనాతో పాటు జపాన్ లో విడుదల చేస్తున్న సంగతి తెలిసిందే. తాజాగా ఈ చిత్రాన్ని ఈ రెండు దేశాలతో పాటు ఏడు సౌత్ ఈస్ట్ ఆసియా దేశాల్లో విడుదల చేసేందుకు ఏర్పాట్లు చేస్తున్నారు. ఇటీవల సౌత్ కొరియాలో జరిగిన బుసన్ ఫిల్మ్ ఫెస్టివల్ సందర్భంగా ఎం.వి.పి ఎంటర్టెన్మెంట్స్ సంస్థతో నిర్మాత శోభు యార్లగడ్డ డీల్ కుదుర్చుకున్నాడు.
‘బాహుబలి-ది బిగినింగ్' చిత్రాన్ని ఇండోనేషియా, థాయిలాండ్, వియత్నాం, లవోస్, కాంబోడియా, మయన్మార్, ఈస్ట్ తిమోర్ దేశాల్లో ఎం.వి.పి ఎంటర్టెన్మెంట్స్ వారు విడుదల చేయబోతున్నారు. త్వరలోనే బాహుబలి చిత్రాన్ని లాటిన్ అమెరికా దేశాల్లోనూ విడుదల చేసేందుకు ప్లాన్ చేస్తున్నారు.
బాహుబలి మూవీ తెలుగు సినిమా చరిత్రలోనే కాదు... ఇండియన్ సినిమా చరిత్రలోనే ఓ సంచలనం. ఇండియన్ డొమెస్టిక్ మార్కెట్లో అత్యధిక వసూలు చేసిన చిత్రంగా బాహుబలి రికార్డు క్రియేట్ చేసింది. ఇప్పటికే ప్రపంచ వ్యాప్తంగా అన్ని బాషల్లో కలిపి ఈ చిత్రం దాదాపు 650 కోట్లు వసూలు చేసిన అందరినీ ఆశ్చర్య పరిచింది. తాజాగా ఈ చిత్రాన్ని ఇతర దేశాల్లో విడుదల చేయడం ద్వారా కనీసం మరో రూ. 100 కోట్ల వసూలు అవుతాయని భావిస్తున్నారు.