Don't Miss!
- News జనసేనకు మద్దతుగా మెగాస్టార్...పిఠాపురంలో రెండు రోజులు పర్యటన
- Sports CSK vs LSG: అందుకే రచిన్ రవీంద్రను పక్కనపెట్టాం: రుతురాజ్ గైక్వాడ్
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
గౌతమీపుత్ర శాతకర్ణికి స్పందన అద్భుతం, ఇది తెలుగు జాతి విజయం: బాలయ్య
‘గౌతమిపుత్ర శాతకర్ణి' సినిమాకు అన్ని ఏరియాలు, అన్ని వర్గాల నుండి అద్భుతమైన స్పందన వస్తోంది. ఈ రోజు ఉదయం బాలయ్య, క్రిష్, శ్రీయ అభిమానులతో కలిసి ప్రసాద్ ఐమాక్స్ లో సినిమా చూసారు. ఈ సందర్భంగా వారు మీ
హైదరాబాద్: 'గౌతమిపుత్ర శాతకర్ణి' సినిమాకు అన్ని ఏరియాలు, అన్ని వర్గాల నుండి అద్భుతమైన స్పందన వస్తోంది. ఈ రోజు ఉదయం బాలయ్య, క్రిష్, శ్రీయ అభిమానులతో కలిసి ప్రసాద్ ఐమాక్స్ లో సినిమా చూసారు. ఈ సందర్భంగా వారు మీడియాతో విజయానందాన్ని పంచుకున్నారు.
బాలకృష్ణ మాట్లాడుతూ...సినిమాకు అద్భుతమై స్పందన వచ్చిందని, తాను కూడా ఇంతటి స్పందనను ఊహించలేదన్నారు. తెలుగు రాష్ట్రాలతో పాటు ఇతర రాష్టాలు, విదేశాల్లో కూడా సినిమాకు మంచి ఆదరణ లభిస్తోందన్నారు. ఇది తెలుగువారి విజయం, తెలుగు జాతి విజయం అని గర్వంగా చెబుతున్నట్లు బాలయ్య వ్యాఖ్యానించారు.
చాలా విచిత్రమైన పరిస్థితుల్లో షూటింగ్ జరిగిది, ఏదో ఒక అదృశ్య శక్తి సినిమాను నడిపించడం వల్లే మాకు అన్నీ విధాలుగా కలిసొచ్చింది. ముందే చెప్పినట్లు సినిమా అనుకున్న సమయానికి పూర్తి చేసి అనుకున్న సమయానికి విడుదల చేసామని బాలయ్య తెలిపారు.
సినిమా అనుకున్న సమయానికి త్వరగా పూర్తి చేయడానికి కారణమైన నిర్మాత సాయి బాబు, క్రిష్, సాకంతిక నిపుణులకు అభినందనలు, కృతజ్ఞతలు తెలుపుతున్నట్లు బాలయ్య చెప్పారు. నాన్నగారు చేయాలనుకున్న ఈ సినిమా నేను చేయడం పూర్వజన్మ సుకృతమని బాలయ్య వ్యాఖ్యానించారు.
మా అభిమానులు ఈ సినిమా చూసి ఆనందం గా ఉన్నారు, పంచభక్ష పరమాన్నాలు తిన్నంత సంతృప్తిగా ఉన్నారు. సినిమా నిర్మాణం అజరామరం. అజరామరం అనే పదానికి పూర్తి స్థాయి అర్హత ఉన్న సినిమా అని బాలయ్య తెలిపారు. ఈ సినిమా విజయం మరిన్ని మంచి చిత్రాలు ఇవ్వడానికి ప్రోత్సాహాన్ని ఇచ్చిందన్నారు బాలయ్య.
క్రిష్ మాట్లాడుతూ...ఇది తెలుగు జాతి కథ, తెలుగు జాతి సినిమా, తెలుగు వారి సినిమా, ఈ సినిమా భారతీయుడి... ప్రపంచ నలుమూలల్లో ఉన్న తెలుగు వారు, ఈ సినిమాను ఆదరిస్తున్నవారికి ధన్యవాదాలు అని తెలిపారు. నేను సినిమా కెప్టెన్ అయినప్పటికీ బాలయ్య మమ్మల్ని అందరినీ భుజాలపై మోసారని తెలిపారు.