Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రిస్కీ షాట్లో డూప్ లేకుండా నటించిన బాలకృష్ణ.. షాకైన శ్రియ.. ఫేస్బుక్లో లైవ్..
నటసింహం నందమూరి బాలకృష్ణ మరోసారి సత్తా చాటాడు. నందమూరి బాలకృష్ణ ప్రస్తుతం పూరి జగన్నాథ్ దర్శకత్వంలో ఓ చిత్రంలో నటిస్తున్న సంగతి తెలిసిందే.
నటసింహం నందమూరి బాలకృష్ణ మరోసారి సత్తా చాటాడు. నందమూరి బాలకృష్ణ ప్రస్తుతం పూరి జగన్నాథ్ దర్శకత్వంలో ఓ చిత్రంలో నటిస్తున్న సంగతి తెలిసిందే. భవ్య క్రియేషన్స్ పతాకంపై ఈ చిత్రాన్ని వి.ఆనందప్రసాద్ ప్రతిష్టాత్మకంగా నిర్మిస్తున్నారు. ప్రస్తుతం ఈ సినిమా షూటింగ్ పోర్చుగల్లో జరుగుతున్నది. ఈ చిత్రం కోసం ఎలాంటి డూప్ లేకుండా అత్యంత ప్రమాదకరమైన షాట్ను బాలయ్య అవలీలగా చేసి అందర్ని ఆకట్టుకొన్నట్టు సమాచారం.
అవలీలగా బాలయ్య
సాధారణంవగా భారీ మాస్, యాక్షన్, కమర్షియల్ సినిమాల్లో రిస్కీ షాట్స్ ఉంటూనే ఉంటాయి. మరింత రిస్క్ అనిపించినప్పుడు డూప్లను పెట్టి చిత్రీకరిస్తారు. కానీ ఓ అసాధారణమైన షాట్ను డూప్తో పనిలేకుండా నందమూరి బాలకృష్ణ అవలీలగా చేసిన తీరు అందరినీ ఆశ్చర్యానికి గురి చేసింది.
చేజ్ సీన్.. అసాధారణమైన షాట్
దర్శకుడు పూరి జగన్నాథ్ మాట్లాడుతూ పోర్చుగల్ రాజధాని లిస్బన్ లో ఆదివారం ఓ ఛేజ్ సీన్ను తెరకెక్కించాం. ఇందులో కారుని డ్రిఫ్టింగ్ పద్ధతిలో 360 డిగ్రీలు తిప్పే షాట్ను చిత్రీకరించాం. ఆ షాట్ని బాలకృష్ణ రెండుసార్లు డూప్ లేకుండా చేశారు. కారులో ఆయన పక్క సీట్లో కూర్చున్న శ్రియ అయితే షాక్ అయిపోయింది అని తెలిపారు.
షాకౌన విదేశీ టెక్నిషియన్లు
పోర్చుగల్ టెక్నీషియన్లు, మన చిత్ర యూనిట్ అంతా ఆనందంతో గట్టిగా క్లాప్స్ కొట్టారు. అలా సినిమా మీద బాలకృష్ణగారికి ఉన్న ప్యాషన్ మరోసారి రుజువైంది. ఆయన కమిట్మెంట్ చూసి అందరం ఫిదా అయిపోయాం అని అన్నారు. బాలయ్య తెగువ, నటనపట్ల అంకితభావాన్ని అందరూ కొనియాడారు.
బాలయ్య బర్త్డే ఫేస్బుక్లో లైవ్
నిర్మాత వీ ఆనందప్రసాద్ మాట్లాడుతూ బాలయ్యగారి 101వ చిత్రాన్ని మా సంస్థలో ప్రతిష్టాత్మకంగా రూపొందిస్తున్నాం. మా సినిమాకి అన్నీ చాలా చక్కగా సమకూరుతున్నాయి. మే 13నుంచి పోర్చుగల్ షెడ్యూల్ను మొదలుపెట్టాం. ఈ నెల మూడో వారం వరకూ అక్కడే జరుగుతుంది. జూన్ 10న బాలకృష్ణగారి పుట్టినరోజును పురస్కరించుకుని జూన్ 9 వ తారీఖు రాత్రి బాలకృష్ణ, పూరి జగన్నాథ్ మా భవ్య క్రియేషన్స్ ఫేస్బుక్ పేజీలో లైవ్ చేయబోతున్నారు.
విందు భోజనంలా..
ఇతర వివరాలను త్వరలోనే తెలియజేస్తాం. ఇటీవల బాలయ్యగారు చేసిన ఛేజ్ సీన్కు మా యూనిట్ మొత్తం ఆశ్చర్యపోయారు. అభిమానులకు, సినీ ప్రియులకు ఈ సినిమా విందు భోజనంలా ఉంటుంది. బాలకృష్ణగారు హీరోగా పూరి జగన్నాథ్గారు దర్శకత్వం చేస్తున్నారనగానే ఎంతో మంచి స్పందన వచ్చింది. ఆ స్పందనకు ఏ మాత్రం తీసిపోని విధంగా చిత్రాన్ని రూపొందిస్తున్నాం` అని చెప్పారు.