హోమ్

న్యూస్

ప్రముఖ నిర్మాత బెల్లంకొండ సురేష్ వారసుడిగా.... హీరోగా ఎంట్రీ ఇచ్చాడు సాయి శ్రీనివాస్. తొలి సినిమా వివి వినాయక్ దర్శకత్వంలో అల్లుడు శ్రీను సినిమాలో చేయగా ఈ సినిమా ఆశించిన స్థాయిలో ఆడలేదు. తర్వాత స్పీడున్నోడు సినిమాతో మరో ప్రయత్నం చేసినా అది కూడా పెద్దగా వర్కౌట్ కాలేదు. తాజాగా మరో స్టార్ డైరెక్టర్ బోయపాటి శ్రీను దర్శకత్వంలో మాస్ యాక్షన్ ఎంటర్టెనర్ లో నటిస్తున్నాడు సాయశ్రీనివాస్. ఈ సినిమా సెట్స్ మీద ఉండగానే మరో భారీ ప్రాజెక్టుకు ప్లాన్ చేస్తున్నారు. తెలుగు తమిళ భాషల్లో స్టార్ ఇమేజ్ ఉన్న దర్శకుడు గౌతమ్ మీనన్ దర్శకత్వంలో ఓ సినిమా చేయాలని భావిస్తున్నాడు. ఇప్పటికే గౌతమ్ మీనన్, బెల్లంకొండ సురేష్ కథా చర్చలు కూడా చేసారన్న టాక్ వినిపిస్తోంది. త్వరలోనే ఈ ప్రాజెక్టుపై అఫీషియల్ అనౌన్స్ మెంట్ వచ్చే అవకాశం ఉంది.