Don't Miss!
- News AP Volunteers: 62 వేలకు చేరిన వాలంటీర్ల రాజీనామాలు-ఈసీకి హైకోర్టు కీలక ఆదేశం.. !
- Sports RCB Playing XI: అతనికి నిరాశే.. సన్రైజర్స్ హైదరాబాద్తో తలపడే ఆర్సీబీ తుది జట్టు ఇదే!
- Lifestyle పురుషుల్లో ఈ లక్షణాలు ఉంటే.. ఖచ్చితంగా డిప్రెషన్కు గురైనట్టే..!
- Automobiles కారులో ఎక్కువ సౌండ్తో మ్యూజిక్ వింటూ వెళ్తున్నారా.. మీ కారు ప్రమాదానికి గురయ్యే అవకాశం ఎక్కువ.. ఎందుకంటే??
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
‘రంభతో లాలికాడు’....ఆనం వింత చేష్టలపై సినిమా
హైదరాబాద్: నెల్లూరు జిల్లాకు చెందిన మాజీ కాంగ్రెస్ ఎమ్మెల్యే ఆనం వివేకానంద రెడ్డి వింత చేష్టల గురించి....జనాలకు తెలిసిందే. చాలా సందర్భాల్లో ఆయన మీడియాలో తనదైన వింత వ్యవహార శైలితో వార్తల్లో వ్యక్తిగా మారాడు. త్వరలో ఆయనపై ఓ సినిమా రాబోతోంది. టైటిల్ ‘రంభతో లాలికాడు'. ఈ సినిమా తీయబోతోంది తెలుగు నిర్మాత సి.కళ్యాణ్.
ఎప్పుడూ వివాదాలతో వార్తల్లో ఉండే తెలుగు నిర్మాత సి.కళ్యాణ్....ఇపుడు ఆనం వివేకానంద రెడ్డిపై సినిమా తీస్తానని ప్రకటించి హాట్ టాపిక్ అయ్యాడు. శుక్రవారం నెల్లూరులోని ప్రెస్క్లబ్లో సి. కళ్యాణ్ విలేకరులతో మాట్లాడుతూ ఆయన వికారపు చేష్టలను పరిగణలోకి తీసుకుని ఇలాంటి నాయకులు ఎలా ఉంటారో చెప్పడానికి ‘రంభతో లాలికాడు' సినిమా తీసే ఆలోచన ఉందని ఆయన అన్నారు.
తాను కొనుగోలు చేసిన స్థలంలో భాగం ఇవ్వలేదన్న కారణంతో ఆ స్థలం వక్ఫ్బోర్డుకు చెందినదంటూ.. వివేకా బ్లాక్మెయిల్ చేస్తున్నారని సికళ్యాణ్ ఆరోపించారు. నెల్లూరు రామ్నగర్లో 2008లో మక్సూద్ ఆలీ అనే వ్యక్తి వద్ద తాను రూ.1.60కోట్లకు స్థలం కొనుగోలు చేసినట్లు తెలిపారు. స్థలంలో వాటా ఇవ్వనందుకే తనను బ్లాక్ మెయిల్ చేస్తున్నాడని బెదరించారు.
వివేకానంద సెల్ఫోన్లో ఎప్పుడూ ఆయన డ్రీమ్ గర్ల్ ఫొటో ఉంటుందని, మొబైల్లో ఎటువంటి బొమ్మలు వస్తాయో అందరికి తెలుసని కళ్యాణ్ విమర్శించారు. ఆయన వ్యవహార శైలిపై రంభతో లాలికాడు సినిమా తీయబోతున్నట్లు తెలిపారు. వివేకా నాతో పెట్టుకుంటే మసైపోతావు. నువ్వు బయటకు రావాలంటే మంది కావాలి. నేను ఒక్కడినే వస్తా. ఏ సెంటర్కైనా వస్తా. నువ్వు ఎంత మందినైనా తెచ్చుకో బస్తీ మే సవాల్ కొట్టుకుందాం రా'' అంటూ.. సి.కళ్యాణ్ సవాల్ విసిరారు.