‘సుప్రీమ్’షోలో చిరంజీవి, మేనల్లుడికి శుభాకాంక్షలు (ఫోటోస్)

By Bojja Kumar

| Published: Thursday, May 5, 2016, 12:42 [IST]

హైదరాబాద్: సాయి ధరమ్ తేజ్ హీరోగా తెరకెక్కిన ‘సుప్రీమ్' చిత్రం ఈ రోజు గ్రాండ్ గా విడుదలైన సంగతి తెలిసిందే. సినిమాకు పాజిటివ్ రెస్పాన్స్ వస్తోంది. నిన్న రాత్రి మెగా స్టార్ చిరంజీవి కోసం చిత్ర నిర్మాత దిల్ రాజు ప్రసాద్ ల్యాబ్స్‌లో స్పెషల్ షో వేసారు.

ఈ సందర్భంగా చిరంజీవి మాట్లాడుతూ... సినిమా చాలా బాగుందని, ప్రేక్షకులను తప్పకుండా ఆకట్టుకుంటుందని అన్నారు. దర్శకుడిపై ప్రశంసల వర్షం కురిపించారు. ఈ సందర్భంగా తన మేనల్లుడికి శుభాకాంక్షలు తెలిపారు. ఈ స్పెషల్ షోకు చిరంజీవితో పాటు సాయి ధరమ్ తేజ్ తల్లిదండ్రులు కూడా హాజరయ్యారు.

ఈ విషయాన్ని సాయి ధరమ్ తేజ్ ట్విట్టర్ ద్వారా తెలియజేస్తూ... ‘మామయ్య చిరంజీవి నిన్న రాత్రి సుప్రీం స్పెషల్ షో చూసి బాగా ఎంజాయ్ చేసారు, సినిమా పెద్ద హిట్ అవ్వాలని మూవీ టీంను ఆశీర్వదించారు. స్పెషల్ షోకు వచ్చిన మామయ్యకు థాంక్స్' అంటూ ట్వీట్ చేసారు.

సాయి ధరమ్ తేజ్, రాశి ఖన్నా హీరో హీరోయిన్లుగా శ్రీ వెంకటేశ్వర క్రియేషన్స్ బ్యానర్లో ప్రముఖ నిర్మాత దిల్ రాజు ‘సుప్రీమ్' చిత్రాన్ని నిర్మించారు . అనిల్ రావిపూడి దర్శకత్వం వహించారు. సుప్రీం ప్రీమియర్ షోకు సంబంధించిన ఫోటోలు స్లైడ్ షోలో...