లంగాలోకి చేయివెళ్లడంతో రాధిక కొట్టింది: చిరంజీవి లక్కే, పవన్ ఓరేయ్...!

మోహన్ బాబు గురించి...

ఓసారి షూటింగులో మోహన్ బాబు గారు ఓ డ్రెస్ వేసుకోమంటే వేసుకోలేదు. పెద్దగా గొడవేమీ కాలేదు. నేనంటే ఆయనకు చాలా ఇష్టం. ఆ సంఘటన తర్వాత మా ఇంటికథ, అల్లుడు గారు, యమజాతకుడు చేసాం. ఆయన పైకి కరుకుగా కనిపించినా మనసు వెన్న. ఆయన సొంత బేనర్లో పోస్టుమెన్ సినిమా కూడా చేసాను అన్నారు సుధాకర్.

తాగడం వల్ల కాదు..

నేను బాగా తాగడం వల్లనే అనారోగ్యం అనే ప్రచారం జరిగింది. కానీ అది కారణం కాదు. ఎప్పుడూ లిమిట్ గానే తాగేవాన్ని. బ్రెయిన్ స్టోక్ కావడం వల్ల అలా జరిగింది.

మా అసోసియేషన్లో ఇపుడు అలా లేదు..

మా అసోసియేషన్ నుండి బర్త్ డేకు గ్రీటింగులు పంపుతారు. బోకేస్ పంపుతారు. మురళీ మోహన్ గారు ప్రెసిడెంటుగా ఉన్నపుడు ఫోన్లు కూడా చేసే వారు... మరి రాజేంద్ర ప్రసాద్ వచ్చిన తర్వాత ఆ సిస్టమే లేదనుకుంటా. ఆయనతో బోలెడు సినిమాలు చేసాను అన్నారు సుధాకర్.

పునాది రాళ్లు ఆఫర్ నాకే...

పునాది రాళ్లు సినిమాలో ఆఫర్ ముందు నాకే వచ్చింది. అయితే అప్పటికే నేను వేరే షూటింగులో ఉన్నాను. రెండు షెడ్యూల్స్ అయ్యాయి షూటింగ్ నడుస్తుంది అన్నారు.

నా వల్ల కాదు.. చిరంజీవి లక్కు బావుంది

తమిళ సినిమాలో చేస్తున్న సమయంలో నాకు వేరే సినిమాలలో చేయొద్దనే అగ్రిమెంటు ఉండటంతో పునాది రాళ్లు సినిమాలో చేయనని చెప్పాను. వరప్రసాద్(చిరంజీవి) ఉన్నాడని, బాగా చేస్తాడని చెప్పాను అంతే. నా వల్లే చిరంజీవికి ఆ సినిమా చాన్స్ వచ్చిందని అనడం సరికాదు అన్నారు సుధాకర్.

చిరంజీవి పేరు

ఇద్దరం కలిసి రూంలో ఉన్నపుడు సరదాగా నాయనా చిరంజీవి త్వరగా రెడీ అవ్వు ఇనిస్టిట్యూట్ వెళ్లాలి అనేవాన్ని. అప్పుడు ఆయన పేరు వరప్రసాదే. ఆ తర్వాతే చిరంజీవి అయింది. నేను చిరు అని పిలుస్తాను. ఆంజనేయ స్వామి కలలో కనిపించి చిరంజీవి పేరు పెట్టుకోవాలని సూచించాడట అని సుధాకర్ చెప్పారు.

పవన్ కళ్యాణ్ ఓరేయ్ అని పిలవడానికి ఇబ్బంది పడ్డాడు

పవన్ కళ్యాణ్ కి నేనంటే ఇష్టం. అన్నయ్యా అని పిలుస్తాడు. సుస్వాగతం షూటింగ్ చేసేపుడు నన్ను ఓరేయ్ అని పిలవాలి. నిన్ను అలా అంటే ఎలాగుంటుంది అన్నాయ్యా అనేవాడు. ఇది సినిమా, నిజం కాదు ఎలా చేయాలంటే అలా చేయాలి అని చెప్పే వాడిని అని సుధాకర్ తెలిపారు. నా కొడుకు పవన్ కళ్యాణ్ కి పెద్ద ఫ్యాన్ అని చెప్పుకొచ్చారు.