Don't Miss!
- Finance Ola Cabs IPO: త్వరలో ఓలా క్యాబ్స్ ఐపీఓ..
- Technology ధర రూ.14999 కే 6000mAh బ్యాటరీ, 50MP కెమెరా శాంసంగ్ స్మార్ట్ఫోన్ కొత్త వేరియంట్ విడుదల..!!
- News టీడీపీ ప్లాన్ బీ- వంగవీటి రాధాకు టికెట్?
- Sports అందుకే ధోనీ ముందుగా బ్యాటింగ్కు రావట్లేదు- CSK కోచ్
- Automobiles మరింత తక్కువ ధరలో బజాజ్ చేతక్ ఇ స్కూటర్.. త్వరలో లాంచ్.!!
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
సల్మాన్ ఖాన్ మెడకు మరో కేసు బిగిసుకుంటోంది
హైదరాబాద్: కృష్ణజింకను వేటాడిన కేసులో బాలీవుడ్ నటుడు సల్మాన్ఖాన్కు చుక్కెదురైంది. ఈ ఘటనకు సంబంధించి సాక్షులను మరోసారి విచారించాలని సల్మాన్ఖాన్ పెట్టుకున్న అభ్యర్థనను జోధ్పూర్ కోర్టు తోసిపుచ్చింది. సల్మాన్ఖాన్ సినిమా షూటింగ్ సమయంలో కృష్ణజింకను వేటాడటంపై రాజస్థాన్ కోర్టులో కేసు నమోదైన విషయం తెలిసిందే.
16 ఏళ్ల సుదీర్ఘ విచారణ తర్వాత.. తీర్పు వస్తుండటంతో సర్వత్రా ఉత్కంఠ నెలకొంది. ఈ కేసులో సల్మాన్ ఖాన్కు మూడు నుంచి ఏడేళ్లు జైలు శిక్షపడే అవకాశముందని న్యాయ నిపుణులు అభిప్రాయపడుతున్నారు. 1998లో హమ్ పాథ్ పాథ్ హై సినిమా షూటింగ్ సమయంలో సల్మాన్, సోనాలీ బింద్రే, టబు.. కృష్ణ జింకలను వేటాడారంటూ కేసు నమోదయ్యింది. ఈ కేసులో సల్మాన్ ఖాన్ కొంతకాలం జోథ్పూర్ జైల్లో గడిపాడు.
ఇప్పటికే సల్మాన్ ఖాన్ కు హిట్ అండ్ రన్ కేసులో ముంబై సెషన్స్ కోర్టు ఐదేళ్ల జైలు శిక్ష విధించింది. అయితే సల్మాన్ హై కోర్టును ఆశ్రయించడంతో తాత్కాలికంగా తీర్పును నిలిపి వేస్తూ నెల రోజు పాటు బెయిల్ ఇచ్చింది. తదుపరి విచారణ జూన్ 15న జరుగనుంది. విచారణ తర్వాత సల్మాన్ ఖాన్ భవితవ్యం తేలనుంది.
దీనికి తోడు జింకల కేసులో కూడా సల్మాన్ ఖాన్ కు శిక్ష పడితే.......పరిస్థితి ఎలా ఉంటుందో? అని అభిమానులు ఆందోలన చెందుతున్నారు. బాలీవుడ్లో టాప్ స్టార్ గా ఎదిగిన సల్మాన్ ఖాన్ కోట్లు సంపాదిస్తున్నాడు. అయితే ఈ కేసుల వల్ల ఆయనకు మనశ్శాంతి లేకుండా పోయిందని టాక్.