దాసరి బర్త్‌డే స్పెషల్: ముద్దు పెట్టి విష్ చేసిన మంచు లక్ష్మి (ఫోటోస్)

By Bojja Kumar

| Updated: Wednesday, May 4, 2016, 19:46 [IST]

హైదరాబాద్: ద‌ర్శ‌క‌ర‌త్న దాస‌రి నారాయ‌ణ‌రావు 71వ పుట్టిన‌రోజు వేడుక‌ హైద‌రాబాద్‌లో బుధవారం గ్రాండ్‌గా జరిగాయి. పలువురు సినీ ప్రముఖులు, దాసరి శిష్యులు కలిసి దాసరి ఇంటివద్దే సెలబ్రేషన్స్ ఏర్పాటు చేసారు.

ఇండస్ట్రీలోని ప్రముఖులు, నిర్మాతలు, నటులు, దర్శకులు ఇలా అందరూ బుధవారం దాసరని విష్ చేయడానికి ఆయన ఇంటికి క్యూ కట్టారు. దాసరిని విష్ చేయడానికి ముంబై నుండి ప్రముఖ బాలీవుడ్ నటుడు, ఎంపీ శత్రుఘ్న సిన్హా కూడా హైదరాబాద్ రావడం విశేషం.

ఈ సందర్భంగా అభిమానులు, శిష్యులు, సినీ ప్రముఖుల సమక్షంలో దాసరి నారాయణ రావు కేక్ కట్ చేసారు. ఈ కార్యక్రమంలో మెహన్ బాబు, మంచు లక్ష్మి, కోడి రామ‌కృష్ణ‌, గిరిబాబు, బాబూమోహ‌న్‌, న‌రేష్‌, ఎన్‌.శంక‌ర్‌, జ‌గ‌ప‌తిబాబు, దైవ‌జ్ఞ‌శ‌ర్మ‌, త్రిపుర‌నేని వ‌ర‌ప్ర‌సాద్‌, సి.క‌ల్యాణ్, సురేష్ బాబు, ఎంఎం శ్రీలేఖ, బెల్లంకొండ సురేష్, నిర్మాత బుజ్జి, ఆర్ నారాయణ మూర్తి, పొట్టి వీరయ్య తదితరులు పాల్గొన్నారు.

ఈ సందర్భంగా శ‌త్రుఘ్న‌సిన్హా మాట్లాడుతూ 'దాస‌రి గారు జెన్యూన్ పర్సన్. మ‌ల్టీ డైమ‌న్ష‌న‌ల్ ప‌ర్స‌నాలిటీ. ఆయ‌న్ని విష్ చేయ‌డానికే ఇంత దూరం వ‌చ్చాను' అన్నారు. ప‌లువురు సినీ ప్ర‌ముఖులు ఆయ‌న్ని క‌లిసి పుట్టిన‌రోజు శుభాకాంక్ష‌లు తెలిపారు.

దాస‌రి నారాయ‌ణ‌రావు మాట్లాడుతూ నేను భ‌గ‌వంతుడిని ఆరోగ్యాన్ని ప్ర‌సాదించ‌మ‌ని కోరుతున్నాను. ఆరోగ్యంగా ఉన్నంత కాలం ప‌రిశ్ర‌మ‌కు సేవ చేస్తాను అని చెప్పారు.