Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
అతనే ఎక్కువ: పవన్ కళ్యాణ్ సినిమాకు నో చెప్పింది!
హైదరాబాద్: తెలుగులో పెద్ద స్టార్ పవన్ కళ్యాణ్, తమిళంలో పెద్ద స్టార్ విజయ్.....పవన్ కళ్యాణ్ తెలుగులో ఉన్నంత గుర్తింపు తమిళంలో లేదు, అదే విధంగా విజయ్ కూడా. తమిళంలో విజయ్ సినిమాలు బాగా ఆడతాయి. తెలుగులో పెద్దగా ఆడవు.
ఈ ఇద్దరి సినిమాల్లో నటించే అవకాశం వస్తే....ఏ స్టార్ హీరోయిన్ దాదాపుగా వదులుకోదు. ఇక మామూలు హీరోయిన్లు వీరి సినిమాల్లో అవకాశం దొరకడమే మహాభాగ్యంలా భావిస్తారు. అయితే ఇద్దరి సినిమాల్లో ఒకేసారి అవకాశం వస్తే....ఒకరి సినిమా కోసం మరొకరి సినిమా వదులుకోవాల్సి వస్తే.... తేల్చుకోవడం కష్టమే.
'నేను శైలజ' సినిమాతో మంచి గుర్తింపు తెచ్చుకన్న మళయాలీ బ్యూటీ కీర్తి సురేష్ కు ఇలాంటి పరిస్థితే ఎదురైంది. పవన్ కళ్యాణ్ హీరోగా ఎస్.జె.సూర్య దర్శకత్వంలో తెరకెక్కేసినిమాలో ఈమెను తీసుకోవాలనుకున్నారు. అయితే అదే సమయంలో కీర్తి సురేష్ కు తమిళంలో విజయ్ సినిమాలో చేసే అవకాశం దక్కింది.
దీంతో పవన్ కళ్యాణ్ సినిమాకు నో చెప్పి....విజయ్ సినిమాలో చేయడానికే ప్రాధాన్యం ఇచ్చిందట ఈ భామ. కీర్తి సురేష్ ఫోకస్ అంతా తమిళ సినిమాల మీద ఉండటంతోనే పవన్ సినిమాను వద్దనుకుందని, విజయ్ సినిమాలో చేస్తే తమిళంలో మరిన్ని మంచి అవకాశాలు వస్తాయనే ఉద్దేశ్యంతోనే ఆమె ఇలా చేసిందని అంటున్నారు.
పవన్, ఎస్.జె.సూర్య కాంబినేషన్లో రూపొందుతున్న మూడో చిత్రం ఇది. నార్త్స్టార్ ఎంటర్టైన్మెంట్స్ బ్యానర్పై శరత్ మరార్ నిర్మిస్తున్న ఈ చిత్రం గత నెలలో పూజా కార్యక్రమాలతో ప్రారంభమైన సంగతి తెలిసిందే. ప్రస్తుతం ప్రీ ప్రొడక్షన్ పనుల్లో ఉన్న ఈ సినిమా జూన్ 2 నుండి షూటింగ్ ప్రారంభం కానుంది.