ఇద్దరు అగ్రహీరోలు ఒకే సినిమాలో: మళ్ళీ పాతరోజులు రానున్నాయా??

షారూఖ్ ఖాన్ కీలకమైన అతిథి పాత్రలో

ఈ సినిమా నిర్మాత, నటుడు సోహైల్ ఖాన్, సినిమా విశేషాలను అభిమానులతో పంచుకున్నాడు. తన అభిమాన దర్శకుడైన కబీర్ ఖాన్ తో కలిసి పనిచేయటం చాలా ఆనందంగా ఉందన్నాడు. అదే సమయంలో ఆసక్తికరమైన విషయమొకటి వెల్లడించాడు.సల్మాన్ లీడ్ రోల్ లో నటిస్తున్న ఈ సినిమాలో బాలీవుడ్ బాద్ షా షారూఖ్ ఖాన్ కీలకమైన అతిథి పాత్రలో కనిపిస్తున్నాడట.

ఇంపార్టెంట్ క్యారెక్టర్ లో

కథను మలుపు తిప్పే ఇంపార్టెంట్ క్యారెక్టర్ లో షారూఖ్ కనిపించబోతున్నట్టుగా వెల్లడించాడు సోహైల్. అంతేకాదు ఆ పాత్రకు షారూఖ్ ఇమేజ్ చాలా హెల్ప్ అవుతుందని అందుకే షారూఖ్ ను ఆ పాత్రకు ఒప్పించినట్టుగా తెలిపాడు. ఈద్ సీజన్ లో సూపర్ హిట్ రికార్డ్ ఉన్న సల్మాన్ మరోసారి అదే మ్యాజిక్ రిపీట్ చేస్తాడని భావిస్తున్నారు.

ట్రైలర్ లో కూడా షారూఖ్

ట్రైలర్ లో కూడా షారూఖ్ కనిపించాడంటూ చెప్పటం తో మళ్ళీ ట్రైలర్ని పరీక్షగా చూసిన జనం షారూఖ్ కనిపించే షాట్ ని చూసి కన్ ఫర్మ్ చేసుకుని హ్యాపీగా ఫీలౌతున్నారు. సినిమాకు సంబంధించిన లుక్స్ ఇటీవలే విడుదలైన సంగతి తెలిసిందే. సోహైల్ ఖాన్, చైనా నటి చూచూ ఈ చిత్రంలో కీలక పాత్ర పోషిస్తున్నారు.

ట్యూబ్ లైట్ కీ ఈద్

ఇదిలా ఉంటే ఈ చిత్రం వ్యక్తిగత ఎమోజి కలిగిన తొలి బాలీవుడ్ చిత్రంగా గుర్తింపు పొందడం విశేషం. ఈ విషయాన్ని కబీర్ ట్విట్టర్ ద్వారా తెలియచేశారు. ట్విట్టర్ లో 'ట్యూబ్ లైట్ కీ ఈద్' అనే హ్యాష్ ట్యాగ్ ను జత చేసినప్పుడు ఈ ఎమోజీ కనిపిస్తుంది. సల్మాన్ మెడకు బూట్లు ధరించి సెల్యూట్ చేస్తూ బొమ్మ రూపంలో కనబడుతాడు. భారత్ - చైనా సరిహద్దు నేపథ్యంలో సినిమా ఉంటుందని, రంజాన్ కానుకగా ఈ చిత్రం ప్రేక్షకుల ముందుకు రానుంది.