twitter
    For Quick Alerts
    ALLOW NOTIFICATIONS  
    For Daily Alerts

    రాక్షసి ఔట్, వెంకీ కూతురికి దిల్ రాజు ఆఫర్

    By Bojja Kumar
    |

    హైదరాబాద్ : ప్రముఖ నిర్మాత దిల్ రాజు ఆ మధ్య ‘కేరింత' పేరుతో ఓ స్మాల్ బడ్జెట్ మూవీని మొదలు పెట్టిన సంగతి తెలిసిందే. సాయి కిరణ్ అడవి దర్శకత్వంలో తెరకెక్కిన ఈ చిత్రంలో సుమంత్ అశ్విన్-లావణ్య త్రిపాఠి(అందాల రాక్షసి ఫేం) హీరో హీరోయిన్లుగా ఈ సినిమా మొదలు పెట్టి 25 రోజుల షూటింగ్ అనంతరం నిలిపి వేసారు. ఔట్ పుట్ సరిగా లేదని, స్క్రిప్టులో మార్పులు మొదలెట్టారు.

    స్క్రిప్టు విషయంలో మాత్రమే కాదు...హీరోయిన్ లావణ్య తిపాఠి పనితీరు విషయంలో కూడా దిల్ రాజు సంతృప్తిగా లేరట. దీంతో ఆమెను తప్పించాలని ఆయన నిర్ణయించుకున్నట్లు సమాచారం. ఆమె స్థానంలో కృతిక ను తీసుకున్నట్లు సమాచారం. ఇటీవల వచ్చిన ‘దృశ్యం' చిత్రంలో కృతిక వెంకటేష్ కూతురుగా నటించింది. దీంతో పాటు ఆమె ఇటీవల ప్రారంభమైన ‘వినవయ్యా రామయ్యా' చిత్రంలో కూడా హీరోయిన్‌గా నటిస్తోంది.

     Dil Raju shocks Lavanya Tripathi

    శ్రీ వెంకటేశ్వర క్రియేషన్స్ దిల్ రాజు కేరింత చిత్రాన్ని నిర్మిస్తున్నారు. ఈ చిత్రానికి సంగీత దర్శకుడిగా మిక్కి జే మేయర్‌ను పని చేయనున్నారు. రాల్‌రాజు మాట్లాడుతూ ''కుర్రకారు మనోభావాల్ని ఆవిష్కరించే కథ ఇది. సాయికిరణ్‌ చెప్పిన కథ నాకు బాగా నచ్చింది. రచయిత అబ్బూరి రవితో కలిసి ఆ కథని మరింత బాగా తీర్చిదిద్దామని దిల్ రాజు కొన్ని నెలల క్రితం సినిమా ప్రారంభం సందర్బంగా చెప్పుకొచ్చారు.

    ''ఇదివరకు మా సంస్థలో చిన్న సినిమాల్ని తెరకెక్కించాం. కొంతకాలంగా స్టార్‌ హీరోల చిత్రాలకే పరిమితమయ్యాం. ఐదేళ్ల తర్వాత మళ్లీ 'కేరింత' పేరుతో ఓ చిన్న చిత్రాన్ని మొదలుపెడుతున్నాం'' అన్నారు దిల్‌రాజు. ఈ చిత్రానికి సంగీతం: మిక్కీ జె.మేయర్‌, ఛాయాగ్రహణం: విశ్వ, కూర్పు: మధు, పాటలు: సిరివెన్నెల సీతారామశాస్త్రి, సహనిర్మాతలు: శిరీష్‌-లక్ష్మణ్‌.

    English summary
    The latest buzz is that Dil Raju is not satisfied with Lavanya Tripathi's work and he has replaced her with 'Drushyam' fame Kruthika in upcomming film 'Kerintha'.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X