Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
సానియా మిర్జా కోసం బాలీవుడ్ డైరెక్టర్ గ్రాండ్గా పార్టీ.. క్యూ కట్టిన దర్శకులు..
టెన్నిస్ స్టార్ సానియా మిర్జా కోసం ముంబైలోని తన నివాసంలో ప్రముఖ దర్శకురాలు ఫరాఖాన్ భారీగా పార్టీని నిర్వహించారు.
టెన్నిస్ స్టార్ సానియా మిర్జా కోసం ముంబైలోని తన నివాసంలో ప్రముఖ దర్శకురాలు ఫరాఖాన్ భారీగా పార్టీని నిర్వహించారు. ఈ కార్యక్రమానికి బాలీవుడ్ దర్శకులు కరణ్ జోహార్, ఫరాన్ అఖ్తర్, భర్త సాజిద్ ఖాన్, గోల్డీ బెహల్, అశుతోష్ గోవారికర్, కబీర్ ఖాన్, జోయా అఖ్తర్, పునీత్ మల్హోత్రా తదితరలు హాజరయ్యారు. ఈ పార్టీలో పలు రకాల వంటలు ఘుమఘులాడాయి. పార్టీని ఎంజాయ్ చేసిన తర్వాత సెల్ఫీలకు ఫొజులిచ్చారు.
తొమ్మిది మంది దర్శకులతో..
సానియా పార్టీ ఫొటోలను అదే రాత్రి ఫరాఖాన్ ట్విట్టర్లో పోస్ట్ చేశారు. తొమ్మిది మంది డైరెక్టర్లు నా ఇంటిలో జరిగిన పార్టీకి వచ్చారు. అద్బుతమైన ఫొటోకు ఫోజిచ్చినందుకు థ్యాంక్స్ అని ఆమె ట్వీట్ చేశారు. ఆ ఫొటోలు సోషల్ మీడియాలో వైరల్గా మారాయి. ఈ విందుకు హ్యూమా ఖురేషీ, డిజైనర్ మనీష్ మల్హోత్రా కూడా హాజరయ్యారు.
అగ్రదర్శకుల హాజరు చర్చనీయాంశం
సానియా మిర్జా బర్త్ డే పార్టీకి ఏకంగా తొమ్మిది మంది బాలీవుడ్ అగ్ర దర్శకులు హాజరుకావడం చర్చనీయాంశమైంది. ఫరాఖాన్తో సానియా మిర్జాకు మంచి అనుబంధం ఉంది. గతంలో కూడా సానియాకు మంచి పార్టీని ఏర్పాటు చేసింది. 2015లో జరిగిన పార్టీకి రితేష్ దేశ్ముఖ్ దంపతులు, సోనాలి బింద్రే దంపతులు కూడా హాజరైన సంగతి తెలిసిందే.
సానియా బయోపిక్పై..
సానియా మిర్జా బయోపిక్పై దర్శకురాలు ఫరాఖాన్ దృష్టిపెట్టింది. ఆమె జీవిత కథ ఆధారంగా సినిమాను తెరకెక్కించే విషయంపై ఫరా బృందం రీసెర్చ్ చేస్తున్నారు. వచ్చే ఏడాది సెట్స్ పైకి వెళ్లే ఈ చిత్రంలో నటించేందుకు పరిణితి చోప్రాను సంప్రదించినట్టు సమాచారం.
సానియాతో కాఫీ విత్ కరణ్
గత ఫిబ్రవరిలో కరణ్ జోహార్ నిర్వహించే కాఫీ విత్ కరణ్ షోకు సానియాతో కలిసి ఫరా ఖాన్ హాజరయ్యారు. కరణ్ అడిగిన ప్రశ్నలకు సానియా, ఫరా తిరుగులేకుండా జవాబివ్వడం ప్రేక్షకులను ఉత్తేజానికి గురిచేసింది. వ్యక్తిగత జీవితంలో సానియా, ఫరాల రిలేషన్ ప్రత్యేకమైనదని బాలీవుడ్ వర్గాల అభిప్రాయం.
బాలీవుడ్తో మంచి రిలేషన్స్
బాలీవుడ్ చిత్ర పరిశ్రమలోని ప్రముఖ నటులు, దర్శకులతో సానియాకు సన్నిహిత సంబంధాలు ఉన్నాయి. హైదరాబాద్లోని రామోజీ ఫిలింసిటీలో షారుక్ నటించిన దిల్వాలే షూటింగ్ జరుగుతున్న సమయంలో ఆ సెట్కు సానియా మిర్జా వెళ్లిన సంగతి తెలిసిందే. అంతేకాకుండా సెట్లోని వారికి ప్రత్యేకంగా హైదరాబాద్ బిర్యానీ తయారు చేయించి తీసుకెళ్లారు.