హోమ్

న్యూస్

హైదరాబాద్: టాలీవుడ్ సూపర్ స్టార్ మహేష్ బాబు మరోసారి వార్తల్లోకి ఎక్కాడు. తెలుగులో మహేష్ బాబు సినిమాలకు ఉన్న క్రేజ్ దృష్ట్యా ఆయనతో భారీ డీల్స్ కుదుర్చుకోవడానికి పలు భారీ సినీ నిర్మాణ సంస్థలు పోటీ పడుతున్నాయి. ‘శ్రీమంతుడు' విజయం తర్వాత ఈ పోటీ మరింత ఎక్కువైంది.

తాజాగా అందుతున్న సమాచారం ప్రకారం ప్రముఖ బాలీవుడ్ సినీ నిర్మాణ సంస్థ ఈరోస్ ఇంటర్నేషనల్ మహేష్ బాబుతో రూ. 300కోట్ల విలువైన భారీ డీల్‌ను కుదుర్చుకున్నట్లు సమాచారం. తెలుగు సినిమా చరిత్రలో ఒక హీరోతో ఈ రేంజిలో డీల్ కుదరడం ఇదే ప్రథమం అంటున్నారు. అయితే ఈ డీల్ ఎలా ఉండబోతోంది? ఆ సంస్థతో ఎన్ని సినిమాలు చేస్తారు? అనేది తెలియాల్సి ఉంది.

రెమ్యూనరేషన్లో కూడా రికార్డ్...
మహేష్, మురగదాస్ కాంబినేషన్ లో ఓ చిత్రం రెడీ అవుతున్న సంగతి తెలిసిందే. ఈ చిత్రంకు సంభంధించిన కథ ఫైనలైజ్ చేసి ఇప్పుడు కాస్టింగ్ మొదలు పెట్టారు. హీరోయిన్ గా శృతి హాసన్ ని ఫైనలైజ్ చేసారు. అలాగే...ఏప్రిల్ రెండవ వారం 2016 నుంచి షూటింగ్ ప్రారంభం కానుందని సమచారం. తాజాగా అందుతున్న సమాచారం ప్రకారం ఈ సినిమాకు మహేష్ బాబు రూ. 25 కోట్ల రెమ్యూనరేషన్ తీసుకుంటున్నట్లు తెలుస్తోంది. టాలీవుడ్లో ఇప్పటి వరకు ఇదే హయ్యెస్ట్ రెమ్యూనరేషన్ అని టాక్. ఈ సినిమా తెలుగు, తమిళంలో ఒకేసారి విడుదలవుతున్న నేపథ్యంలో ఇంత భారీ మొత్తం ఆఫర్ చేసినట్లు తెలుస్తోంది.

బ్రహ్మోత్సవం...
ప్రస్తుతం మహేష్ బాబు శ్రీకాంత్ అడ్డాల దర్శకత్వంలో ‘బ్రహ్మోత్సవం' సినిమాలో నటిస్తున్నారు. లుగు, త‌మిళ్ లో పి.వి.పి సంస్థ ఈ చిత్రాన్ని భారీ బడ్జెట్ తో రూపొందిస్తుంది. ఈ చిత్రంలో మ‌హేష్ స‌ర‌స‌న స‌మంత‌, కాజ‌ల్, ప్ర‌ణీత న‌టిస్తున్నారు. ఈ చిత్రం ప్ర‌స్తుతం శ‌ర‌వేగంగా షూటింగ్ జ‌రుపుకుంటుంది. తాజాగా అందుతున్న సమాచారం ప్రకారం ఈ చిత్రాన్ని ఏప్రిల్ 8, 2016న విడుదల చేసేందుకు ప్లాన్ చేస్తున్నారట.

బ్రహ్మోత్సవం చిత్రాన్ని పి.వి.పి సినిమా పతాకంపై పెరల్‌ వి.పొట్లూరి, పరమ్‌ వి.పొట్లూరి నిర్మిస్తున్నారు. సత్యరాజ్‌, జయసుధ, రావు రమేష్‌, ప్రకాష్‌రాజ్‌, తనికెళ్ల భరణి తదితరులు నటిస్తున్నారు. ఛాయాగ్రహణం: ఆర్‌.రత్నవేలు, సంగీతం: మిక్కీ జె.మేయర్‌, కూర్పు: శ్రీకర ప్రసాద్‌, కళ: తోట తరణి.