Don't Miss!
- Finance HUL: రూ.24 డివిడెండ్ ప్రకటించిన హిందుస్థాన్ యూనిలీవర్..
- News వివేకా కేసులో మరో అనూహ్య ట్విస్ట్- విచారణ నుంచి తప్పుకున్న జడ్జి..!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Sports సూపర్మ్యాన్ స్టబ్స్: మెరుపు ఫీల్డింగ్తో ఢిల్లీని గెలిపించాడు! Video
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అభిమానే సూపర్ స్టార్ కు శత్రువుగా మారితే? (ట్రైలర్ అదిరింది)
హైదరాబాద్: బాలీవుడ్ సూపర్ స్టార్ షారుక్ ఖాన్ హీరోగా తెరకెక్కుతున్న చిత్రం ‘ఫ్యాన్'. విభిన్న కథాంశంతో తెరకెక్కుతున్న ఈ చిత్రం అఫీషియల్ ట్రైలర్ నిన్న విడుదలైంది. మొన్నటి వరకు పెద్దగా అంచనాలు లేని ఈ సినిమా...ట్రైలర్ రిలీజ్ తర్వాత ఒక్కసారిగా హాట్ టాపిక్ అయింది.
తన అభిమాన నటుడి కోసం ఎంతకైనా తెగించే ఒక అభిమాని.... అదే హీరోకు శత్రువుగా మారితే ఎలా ఉంటుంది? ఆ తర్వాత పరిణామాలు ఎలా ఉంటాయనే కాన్సెప్టుతో ఈ చిత్రం తెరకెక్కుతోంది. ట్రైలర్ చూసిన తర్వాత ఇదో యాక్షన్ డ్రామాగా తెరకెక్కబోతోందని స్పష్టమవుతోంది. అభిమానిగా, హీరోగా రెండు పాత్రల్లోనూ షారుక్ భిన్నమైన కోణాల్లో నటిస్తున్నాడు.
కథ విషయానికొస్తే....గౌరవ్(షారుక్ ఖాన్) అనే 20 ఏళ్ల యువకుడి చుట్టు ‘ఫ్యాన్' కథ తిరుగుతుంది. మెగా మూవీ స్టార్ ఆర్యన్ ఖాన్(షారుక్ ఖాన్)కు గౌరవ్ వీరాభిమాని. అతడే తన ప్రపంచంగా బ్రతుకుతుంటాడు. అతన్ని ఒక నటుడిగా కాకుండా దేవుడిగా కొలుస్తాడు. అయితే కొన్ని పరిణామాలు సదరు అభిమానే ఆ హీరోకు శత్రువుగా మారేలా చేస్తాయి. ఆ తర్వాత ఏ జరిగింది అనేది తెరపై ఉత్కంఠ భరింతంగా చూపించబోతున్నారు.
యశ్ రాజ్ ఫిలింస్ బ్యానర్లో ఆదిత్య చోప్రా ఈ చిత్రాని నిర్మిస్తున్నారు. మనీష్ శర్మ దర్శకత్వం వహిస్తున్న ఈ చిత్రంలో షారుక్ డబల్ రోల్ చేస్తున్నాడు. హీరోయిన్ లేకుండా ఈ చిత్రం తెరకెక్కుతోంది. సినిమా ఆద్యంతం ఆసక్తికరంగా సాగుతుంది. ఏప్రిల్ 15న సినిమాను రిలీజ్ చేసేందుకు ప్లాన్ చేస్తున్నారు.