ఫర్జానా అప్పుడేనా?

By Staff

| Published: Thursday, August 21, 2008, 15:03 [IST]

హీరోయిన్స్ ఐటం గర్ల్ గా అవతారమెత్తడం కొత్తేమీ కాదు కానీ...కాస్త సెటిలయ్యాక వెరైటీ కోసమో,లేదా ఫేడవుట్ అయ్యాక రీ ఎంట్రీ కోసమో చేస్తూంటారు. లేదా పెద్ద దర్శకుడు,బ్యానర్,హీరో ల సినిమాల్లో తప్పని సరి పరిస్ధితుల్లో ఐటం సాంగ్స్ హీరోయిన్స్ చేయటం పరిపాటి. ఇప్పుడు ఫర్జానాకి ఏ అవసరం వచ్చిందో గాని కొత్తాగా ఆ జాబితాలో చేరింది.భూమిక్ ప్రధాన పాత్రలో సముద్ర దర్శకత్వంలో వస్తున్న మల్లెపూవు చిత్రంలో హాట్ నెంబర్ చేయబోతోంది. అయితే ఈ ఆఫర్ కి పెద్ద ఎమౌంటే పే చేసారని తెలుస్తోంది.

'నాతో వస్తావా' అనే పల్లవితో సాగే ఈ సాంగ్ లో ఆమె ఇప్పటివరకూ కనపడనంత శృంగారంగా కనిపించనుందని సమాచారం. వాస్తవానికి కొరియాగ్రాఫర్ స్ధాయి నుండి హీరోయిన్ గా మారిన ఆమె చేసినవి కొద్ది సినిమాలే అయినా తన ఒంపుసొంపులతో తెలుగు ప్రేక్షకులలో చెరగని ముద్ర వేసింది. అల్లరి నరేష్ తో ఎక్కువగా చేసిన ఆమె పై రూమర్స్ కూడా అదే స్ధాయిలో వచ్చాయి.ఇక ఇప్పుడు ఈ సినిమాతో ఐటం సాంగ్స్ ఆఫర్స్ కూడా కంటిన్యూగా వచ్చే అవకాశం ఉంది. మాస్ట్రో ఇళయరాజా సంగీతం అందిస్తున్న ఈ సినిమాకి రమేష్ వర్మ కథ అందించారు. ఇక ఈ సినిమా వచ్చే నెల 11 న రిలీజ్ అయ్యే అవకాశం ఉంది.