Don't Miss!
- Sports RCB vs KKR: సారీ.. మా ఆటగాళ్ల పేర్లు మరిచిపోయా: శ్రేయస్ అయ్యర్ వీడియో
- News టీడీపీలో ప్రకంపనలు..పార్టీకి గుడ్ బై చెబుతున్న నేతలు
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Automobiles భారత్లో లాంచ్ అయిన సుజుకి కొత్త బైక్ ఇదే.. ధర ఎంతో తెలుసా?
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
నితిన్ ఇంట్లో తప్పతాగి యువతి హల్చల్, లవ్వే కారణం!
హైదరాబాద్: టాలీవుడ్ యంగ్ హీరో నితిన్ ఇంట్లో ఓ యువతి హల్ చల్ చేసింది. శుక్రవారం రాత్రి జూబ్లీహిల్స్ లోని నితిన్ ఇంటి గోడ దూకి లోనికి ప్రవేశించిన యువతి నితిన్ ను పెళ్లి చేసుకుంటానంటూ గొడవ చేసింది. రాత్రి పూట గోడ దూకిన తర్వాత ఇంట్లోకి వెళ్లడం వీలు కాక పోవడంతో రాత్రంతా ఇంటి ఆవరణలో ఉండి పోయింది.
సదరు యువతి అమీర్ పేటలో ఉంటున్నట్లు సమాచారం. నితిన్ అంటే ఎంతో అభిమానించే ఆ యువతి ఓ పబ్ లో తప్పతాగి అక్కడి నుండి నితిన్ ఇంటి వద్దకు చేరుకుంది. సెక్యూరిటీ గార్డ్స్ కంట పడకుండా వెనక వైపు నుండి గోడ దూకింది. అప్పటికే తాగిన మత్తు ఎక్కువ కావడంతో ఇంటి ఆవరణలోనే పడుకుంది.
https://www.facebook.com/TeluguFilmibeat
ఉదయం నిద్రలేచిన నితిన్ కుటుంబ సభ్యులు ఇంటి ఆవరణలో పడుకుని ఉన్న ఆ యువతిని చూసి షాక్ అయ్యారు. ఆమెను నిద్ర లేపగా....నితిన్ కోసం వచ్చానని, నితిన్ కావాలని, అతన్ని ప్రేమిస్తున్నానని, అతను లేకుండా జీవించలేనని, అతన్నే పెళ్లి చేసుకుంటానని గొడవ చేసింది. దీంతో వెంటనే నితిన్ కుటుంబ సభ్యులు పోలీసులకు ఫిర్యాదు చేసారు.
ఆశ్చర్యకర విషయం ఏమిటంటే ఆమె అనంతపురం జిల్లాకు చెందిన ఓ పోలీసు అధికారి కూతురని తెలుస్తోంది. పోలీసులు ఆమెకు కౌన్సిలింగ్ నిర్వహించి ఆమె ఇంటి వద్ద వదిలి వేసారు. ఈ సంఘటన రాష్ట్ర వ్యాప్తంగా హాట్ టాపిక్ అయింది. ముఖ్యంగా నితిన్ కుటుంబ సభ్యులు ఈ సంఘటనతో అవాక్కయ్యారు. ఒక వేళ ఇంకేమైనా జరిగి ఉంటే పరిస్థితి ఎలా ఉండేదో అని ఆందోళన చెందారు. ఈ సంఘటన నేపథ్యంలో నితిన్ ఇంటికి భద్రత మరింత పెంచారు. ప్రహరీ గోడ ఎత్తు పెంచాలని నిర్ణయించారు.
వాస్తవానికి నితిన్కు ఆమె ఎవరో కూడా తెలియదు. కానీ గత కొంత కాలంగా నితిన్ను అభిమానిస్తూ వస్తున్న సదరు యువతి ఈ క్రమంలో అతనిపై ప్రేమ పెంచుకుంది. ఒక రకంగా చెప్పాలంటే ఇది వన్ సైడ్ లవ్ మేనియా. నితిన్ సినిమాల్లో ఇలాంటి సీన్లు ఉంటాయి. కానీ అతని నిజ జీవితంలోకి కూడా ఇలాంటి సంఘటనలు చోటు చేసుకోవడం విచిత్రమే మరి!