twitter
    For Quick Alerts
    ALLOW NOTIFICATIONS  
    For Daily Alerts

    సాగరకన్య గెటప్ లో భలే ఉంది(ఫొటో)

    By Srikanya
    |

    హైదరాబాద్ : సాహసవీరుడు ...సాగర కన్య అంటూ అప్పట్లో రాఘవేంద్రరావు గారి దర్సకత్వంలో వెంకటేష్ హీరో గా ఓ చిత్రం వచ్చింది. సినిమా ఫ్లాఫ్ అయినా..అందులో శిల్పాశెట్టి..సాగర కన్య గెటప్ లో కనిపించి అలరించటం ఎవరూ మర్చిపోరు. ఆ తర్వాత అలాంటి సాగర కన్య గెటప్ లు ఏ హీరోయినూ వేయనూ లేదు...దర్సకులు ఫ్లాఫ్ భయంతో అలాంటి సబ్జెక్టులూ పట్టుకోలేదు. అయితే ఇప్పుడు హార్ట్ ఎటాక్ చిత్రం భామ అదా శర్మ..అలాంటి గెటప్ లో కనిపించి ఇప్పుడు కనువిందు చేస్తోంది.

    ఈ సాగర కన్య గెటప్ ..ఏదో సినిమా కోసం అనుకునేరు. అలాంటిదేం లేదు. ఆమె పెటా కు బ్రాండ్ అంబాసిడర్ గా ఎంపికైంది. పెటా సంస్ధ ప్రచారంలో భాగంగా ఇలా ఆమె గెటప్ ఛేంజ్ చేసుకుని..జంతువులపై ప్రేమ పెంచుకోండని చెప్తోంది.

    Heart Attack Beauty Adah Sharma Turns Mermaid

    నితిన్‌ సరసన 'హార్ట్‌ ఎటాక్‌'లో హీరోయిన్‌గా నటించిన అదా తన అందచందాలు, నటనతో ఆకట్టుకొంది. విక్రమ్‌భట్‌ తీసిన '1920'తో వెండితెరపై కాలుపెట్టిన అదా శర్మ, దాని తర్వాత 'ఫిర్‌', 'హమ్‌ హై రాహీ కార్‌ కే', 'హసీ తో ఫసీ' వంటి చిత్రాల్లో నటించింది. కన్నడంలో 'ధీర రాణా విక్రమ'లోనూ హీరోయిన్ గా చేసింది.

    'హార్ట్‌ ఎటాక్‌' తర్వాత ఆమెకు తెలుగులో వరుస ఆఫర్లు వస్తాయని చాలామంది భావించారు. కానీ ఇంతవరకు ఆమె మరే తెలుగు సినిమాకూ సంతకం చేసిన దాఖలా లేదు. పెద్ద సినిమాలు అయితేనే చేస్తానని ఆమె కూర్చుంది. కొందరు ఆమెను సెకండ్ హీరోయిన్ గా అడిగినా తిరస్కరించిందని తెలుస్తోంది. రెమ్యునేషన్ వద్ద పట్టువిడుపు లేకపోవటం కూడా తెలుగులో పెద్దగా ఆఫర్స్ రాకపోవటానికి కారణమని చెప్తారు.

    మరో ప్రక్క హిందీ ఎంటర్‌టైన్‌మెంట్‌ చానల్‌ 'లైఫ్‌ ఓకే' కోసం బాలీవుడ్‌ నిర్మాత, దర్శకుడు విపుల్‌ షా తీయబోతున్న సీరియల్‌లో హీరోయిన్ గా నటించేందుకు ఆమె అంగీకరించింది. ఎంటీవీ వీజేగా పాపులర్‌ అయిన రణ్‌విజయ్‌సింగ్‌ జోడీగా ఈ సీరియల్‌లో కనిపించనుంది అదా. ఓ పంజాబీ కుటుంబంలో చోటు చేసుకున్న సంఘటనల సమాహారంగా రూపొందే ఈ సీరియల్‌లో రణ్‌విజయ్‌ తండ్రిగా సీనియర్‌ బాలీవుడ్‌ నటుడు రాజ్‌ బబ్బర్‌ నటించనుండటం విశేషం.

    English summary
    Adah Sharma has turned ambassador for Peta now, Posing like a beautiful mermaid, Adah Sharma entices one and all with her beautiful looks.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X