హోమ్

న్యూస్

హైదరాబాద్‌: హీరో నారా రోహిత్‌ తన కొత్త సినిమా 'సావిత్రి' చిత్ర బృందం కోసం చేపల పులుసు వండారు. ఈ విషయాన్ని ఆయన తన అధికారిక ఫేస్‌బుక్‌ ఖాతా ద్వారా తెలుపుతూ... ఫొటోను పోస్ట్‌ చేశారు.

వంటలు వండటం తన అభిరుచుల్లో ఒకటని, తాను తయారు చేసిన చేపల పులుసు అందిరికీ నచ్చిందన్నారు. అవుట్‌ డోర్‌ షూటింగ్‌ ఎప్పుడూ సరదాగా ఉంటుందని పేర్కొన్నారు. ప్రస్తుతం 'సావిత్రి' చిత్రం షూటింగ్‌ పశ్చిమగోదావరి జిల్లాలోని దెందులూరు మండలంలో జరుగుతోంది.

పశ్చిమగోదావరి జిల్లా దెందులూరు మండలంలోని ఇంద్రావనం ప్రాంతంలో 'సావిత్రి' సినిమాకు సంబంధించిన పాటల షూటింగ్ జరిగింది. హీరో నారా రోహిత్‌, హీరోయిన్ నందితలు నృత్య దర్శకుడు గణేశ్‌ సూచనల మేరకు నృత్యాలు చేశారు. వీరితో పాటు డాన్సర్లు పాల్గొన్నారు. దర్శకుడు సాదినేని పవన్‌ చిత్ర నిర్మాణ పనులను పర్యవేక్షించారు. ఈ షూటింగ్ చూసేందుకు ప్రజలు తరలివచ్చారు.