Don't Miss!
- News మీనరాశిలో బుధుడు ప్రత్యక్షం: ఈ రాశులవారి కెరీర్ ప్రమాదంలో.. జాగ్రత్త!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
సారీ చెప్తూ... బాహుబలి 2 ట్రైలర్పై హీరో రామ్ ట్వీట్ !
‘బాహుబలి 2’ ట్రైలర్ చూసిన హీరో రామ్ స్పందించారు.
హైదరాబాద్ : ఎస్.ఎస్.రాజమౌళి దర్శకత్వంలో రూపొందిన బాహుబలి పార్ట్ 1 విడుదలై బాక్సాఫీస్ రికార్డులను తిరగరాసింది. తెలుగు సినిమా చరిత్రలో కనువిని ఎరుగని రీతిలో ఆరు వందల కోట్ల కలెక్షన్స్ను సాధించి అందరికీ షాక్ ఇచ్చింది. దాంతో ఈ చిత్రానికి కొనసాగింపుగా వస్తున్న పార్ట్ 2 ఎలా ఉంటుందోనని ఇంట్రస్ట్ క్రియేట్ అయ్యింది. ఈ నేపధ్యంలో రిలీజైన ఈ చిత్రం ట్రైలర్ సినిమా రేంజ్ ఏంటో చెప్పకనే చెప్పింది.
ట్రైలర్కు ముందు నుంచి ఊహించినట్లుగానే విపరీతమైన రెస్పాన్స్ వచ్చింది. గంటలోనే 1మిలియన్ వ్యూస్ సాధించి సరికొత్త రికార్డ్ సృష్టించింది. ట్రైలర్ అద్భుతంగా ఉందంటూ సినీ ప్రముఖుల నుంచి చిత్ర యూనిట్ కి అభినందనలొస్తున్నాయి. ఈ నేపథ్యంలోనే హీరో రామ్ కూడా ట్రైలర్పై తన అభిప్రాయాన్ని వెల్లడించాడు.
The pride of Telugu Cinema..sry..South Cinema..sry..Indian Cinema.. @ssrajamouli is Back!!What a trailer! #Baahubali2Trailer
— Ram Pothineni (@ramsayz) March 16, 2017
మొదట బాహుబలి2ను ది ప్రైడ్ ఆఫ్ తెలుగు సినిమాగా అభివర్ణించాడు. సారీ ప్రైడ్ ఆఫ్ సౌత్ సినిమా.. మళ్లీ సారీ.. ది ప్రైడ్ ఆఫ్ ఇండియన్ సినిమా అంటూ రామ్ ట్వీట్ చేశాడు. ఎస్ఎస్ రాజమౌళి ఈజ్ బ్యాక్. వాట్ ఏ ట్రైలర్ అంటూ ట్రైలర్ను ఆకాశానికెత్తేశాడు. అంతేకాదు, రాజమౌళికి సంబంధించి ఓ ఆసక్తికర ట్వీట్ కూడా చేశాడు.
Hitting the ball to the boundary every time is 1 thing..But Pushing the boundary every time you hit the ball is @ssrajamouli 's thing!
— Ram Pothineni (@ramsayz) March 16, 2017
ప్రతీసారీ బంతిని బౌండరీకి మళ్లించడం కొందరి వంతైతే, ప్రతీసారీ బౌండరీ లైన్కొచ్చిన బంతిని పక్కకు నెట్టేయడం రాజమౌళి చేసే పనని ట్వీట్ చేశాడు.
ఇక విడుదలకు ముందే 'బాహుబలి 2' రికార్డుల మోత మోగిస్తోంది. తెలుగు, హిందీ, తమిళం, మలయాళ భాషల్లో ఈరోజు విడుదలైన ట్రైలర్ అద్భుతాలు సృష్టిస్తోంది. తెలుగులో విడుదలైన ట్రైలర్ కేవలం 12 గంటల్లో 1.50కోట్ల వ్యూస్ను సొంతం చేసుకుంది. దీంతో ప్రేక్షకుల్లో సినిమాపై అంచనాలు ఏ స్థాయిలో ఉన్నాయో ఈ రికార్డు వ్యూస్ చెబుతున్నాయి.
ఉదయం 10గంటలకు ఆన్లైన్ ఉంచడమే ఆలస్యం ఆ సంఖ్య లక్షల్లోకి వెళ్లిపోయింది. సాయంత్రం 4 గంటల సమయానికి ఈ ట్రైలర్ను కోటిమంది వీక్షించడం విశేషం. 2015 జూన్ 1న 'బాహుబలి: ది బిగినింగ్' ట్రైలర్ను విడుదల చేయగా, ఇప్పటివరకూ 78.41లక్షల వ్యూస్ వచ్చాయి. 'బాహుబలి: ది కన్క్లూజన్' ట్రైలర్ మాత్రం విడుదల రోజే ఈ రికార్డు సాధించడం విశేషం. సినిమా విడుదలయ్యేలోపు (ఏప్రిల్ 28) ఈ ట్రైలర్ మరెన్ని రికార్డులు సాధిస్తుందో చూడాలి.